Weight Loss : அட இவ்வளவு நாளா தெரியாம போச்சே..! இந்த பழம் உடல் எடையை குறைக்குமா..?

சிறியவர்கள் முதல் பெரியவர்கள் வரை அனைவருமே விரும்பி சாப்பிடக்கூடிய பழங்களில் ஒன்று சீத்தாப்பழம். இந்த பழத்தில் பீட்டா-கரோட்டின், வைட்டமின் சி, வைட்டமின் கே போன்ற ஆரோக்கியமான ஊட்டச்சத்துக்கள் உள்ளன. இந்த ஊட்டச்சத்துக்கள் உடல் ஆரோக்கியத்தை மேம்படுத்தவும், எடை இழப்பை ஆதரிக்கவும் உதவுகின்றன.

சீத்தாப்பழம் குறைந்த கலோரி மற்றும் உயர் நார்ச்சத்து கொண்டது. நார்ச்சத்து நிறைந்த உணவுகள் பசி உணர்வை நீடிப்பதற்கும், அதிக கலோரி உட்கொள்ளலைக் குறைப்பதற்கும் உதவுகிறது. சீத்தாப்பழம் உடல் எடையை குறைக்க உதவும் என்றாலும், அது மட்டும் ஒருபோதும் போதுமானதாக இருக்காது. உடல் எடையை குறைக்க, ஆரோக்கியமான உணவுகளை உட்கொள்ள வேண்டும், போதுமான உடற்பயிற்சி செய்ய வேண்டும்.

மேலும் இது கொலெஸ்ட்ரால் அளவுகளை சீராக்கும், இதில் இருக்க கூடிய நியாசின் மற்றும் டயட்ரின் நார்சத்து கெட்ட கொழுப்பை கரைத்து நல்ல கொழுப்பை அதிகரிக்கும். அதிக கொலெஸ்ட்ரால்  பிரச்சனையால் பாதிக்கப்பட்டவர்கள் இதை சாப்பிட்டு வர கொலெஸ்ட்ரால்  அளவு கட்டுக்குள் வரும். 

அதே சமயம் சீத்தாப்பழத்தில், பல வகையான ஆரோக்கிய நன்மைகள் உள்ளது. இந்த பழம் கர்ப்பிணிகளுக்கு மிகவும் நல்லது.  இது உடலுக்கு அதிக குளிர்ச்சியை தரக்கூடிய  ஒரு பழம். இதனால் கருச்சிதைவு போன்ற பிரச்சனைகள் தடுக்கப்படும். அதோடு சிசுவின் வளர்ச்சிக்கும் உதவக்கூடியது. சிசுவின் மூளை வளர்ச்சி, நரம்பு மண்டல அமைப்பு, நோய் எதிர்ப்பு சக்தி மற்றும் எலும்புகளின் வளர்ச்சிக்கு மிகவும் சிறந்தது.

சீத்தாப்பழத்தில் இருக்கக்கூடிய அதிகப்படியான மெக்னீசியம்  இதய சுவர்களை வலுப்படுத்தும், அதோடு இருதயம் சீராக சுருங்கி  விரிவதற்கு உதவி செய்வதோடு மாரடைப்பு ஏற்படுவதையும் தடுக்கிறது. சீத்தாப்பழத்தில் இருக்கக்கூடிய தாமிரம், டயட்ரின்  போன்ற நார்ச்சத்துக்கள் குடலின் இயக்கத்தை சீராக இயக்கி நன்கு செரிமானம் ஆகுவதற்கு உதவி செய்யும். அதோடு மலச்சிக்கல் போன்ற பிரச்சனைகளும் தடுக்கப்படும். 

கடைகளில் நாம்  உடல் ஆரோக்கியத்தை கெடுக்க கூடிய உணவுகளை வாங்கி சாப்பிடுவதைவிட, இப்படிப்பட்ட பழங்களை வாங்கி சாப்பிடுவது நமது உடல் ஆரோக்கியத்திற்கு சிறந்தது.