சூர்யா தயாரிப்பில் ரம்யா பாண்டியன் நடிக்கவுள்ள படத்தில் யூடுயூப் பிரபலமான கோடங்கி வடிவேல் இணைந்துள்ளார்.
தமிழ் சினிமாவில் நடிகை ரம்யா பாண்டியன் டம்மி டப்பாசு என்ற படத்தின் மூலம் அறிமுகமானவர். இந்த படத்தை தொடர்ந்து ஆண் தேவதை, ஜோக்கர் உள்ளிட்ட படங்களில் நடித்திருந்தார்.ஆனால் இவருக்கு குக் வித் கோமாளி நிகழ்ச்சி தான் ரசிகர்களை தேடி கொடுத்தது என்று கூறலாம் . அதனையடுத்து பிக்பாஸ் சீசன்-4ல் கலந்து கொண்டு பல ரசிகர்களின் அன்பையும்,அதே நேரத்தில் பல சர்ச்சைகளையும் சந்தித்தார்.
இந்த நிலையில் பிக்பாஸிலிருந்து வெளியேறிய பின்னர் கமிட்டான முதல் திரைப்படம் சூர்யாவின் 2டி நிறுவனம் தயாரிக்கும் படத்தில் தான் .இதனை அறிமுக இயக்குனரான அரிசில் மூர்த்தி இயக்குகிறார்.கிரிஷ் என்பவர் இசையமைக்கவுள்ள இந்த படத்தில் ரம்யா பாண்டியனுடன் வாணி போஜன், மித்துன் மாணிக்கம் ஆகியோர் நடிக்கவுள்ளனர் . நேற்று பூஜையுடன் படப்பிடிப்பை தொடங்கிய இந்த படத்தில் யூடுயூப் பிரபலம் இணைந்துள்ளதாக கூறப்படுகிறது.
யூடுயூபில் திரைப்படங்களை நகைச்சுவை வடிவில் விமர்சனம் செய்வர் கோடங்கி வடிவேல் .தனது நகைச்சுவை பேச்சால் அனைவரையும் கவர்ந்த இவர் தற்போது ரம்யா பாண்டியன் நடிக்கவுள்ள புது படத்தில் முக்கிய வேடத்தில் நடிக்கவுள்ளதாக தகவல்கள் வெளியாகியுள்ளன.