#BREAKING வாரிசு ,துணிவு திரைப்படத்திற்கு சிறப்பு காட்சிகள் ரத்து.! அதிர்ச்சியில் ரசிகர்கள்…
ஒட்டுமொத்த சினிமா ரசிகர்களும் ஆவலுடன் நடிகர் விஜய் நடித்துள்ள வாரிசு திரைப்படத்தையும், அஜித் நடித்துள்ள துணிவு திரைப்படத்தையும் பார்க்க ஆவலுடன் காத்துள்ளனர். இந்த இரண்டு படங்களும் நாளை தமிழ், தெலுங்கு ஆகிய மொழிகளில் திரையரங்குகளில் வெளியாகவுள்ளது.
துணிவு படத்திற்கு அதிகாலை 1.00 மணி காட்சியும், விஜய்யின் வாரிசு படத்திற்கு அதிகாலை 4.00 மணிக்கும் முதல் நாள் முதல்காட்சி கொடுக்கப்பட்டிருந்தது. இந்நிலையில், வாரிசு திரைப்படத்திற்கு, துணிவு திரைப்படத்திற்கும் நாளை மற்றும் மறுநாள் மட்டுமே சிறப்பு காட்சிக்கு அனுமதி. அதனை தொடர்ந்து ஜனவரி 13 முதல் 16 வரை துணிவு, வாரிசு ஆகிய படங்களுக்கு சிறப்பு காட்சிகள் ரத்து செய்யப்படுவதாக தமிழ்நாடு அரசு அறிவித்துள்ளது.
இது தொடர்பான வெளியான அறிக்கையில் வாரிசு மற்றும் துணிவு திரைப்படங்களில் சிறப்புக் காட்சிகளுக்கு ஜனவரி 13,14,15,16 ஆகிய தேதிகளில் அனுமதியில்லை இதேபோல் தியேட்டர் வளாகத்தில் பெரிய பேனர் வைப்பதற்கு, பாலாபிஷேகம் செய்வதற்கும் அனுமதியில்லை என அறிவிக்கப்பட்டுள்ளது. இதையடுத்து, குறிப்பிட்ட தேதிகளில் காலை 5 மணி காட்சிகள் ரத்து செய்யும் நிலை ஏற்பட்டுள்ளது. இதனால் ரசிகர்கள் பலரும் சோகத்தில் உள்ளனர். என்பது குறிப்பிடதக்கது.
