துணிவு திரைப்படத்தின் OST வெளியீடு.! கொண்டாட்டத்தில் ரசிகர்கள்.!

இயக்குனர் எச்.வினோத் இயக்கத்தில் நடிகர் அஜித் குமார் நடிப்பில் கடந்த ஜனவரி 11-ஆம் தேதி திரையரங்குகளில் வெளியாகி வெற்றிபெற்ற திரைப்படம் ‘துணிவு’. இந்த திரைப்படத்தில் மஞ்சு வாரியார், ஜான் கோக்கன், ஜி. எம்.சுந்தர், மகாநதி சங்கர், சமுத்திரக்கனி உள்ளிட்ட பலர் முக்கியமான கதாபாத்திரத்தில் நடித்திருந்தார்கள்.

இந்த திரைப்படத்தை பிரபல தயாரிப்பாளரான போனிகபூர் தயாரிக்க படத்திற்கு இசையமைப்பாளர் ஜிப்ரான் இசையமைத்திருந்தார். படத்தில் இடம்பெற்றிருந்த பாடல்களும் பின்னணி இசையும் படத்தின் வெற்றிக்கு மிகப்பெரிய காரணம் என்றே கூறலாம்.

இந்த நிலையில், படத்திற்கான OST- ஒரிஜினல் சவுண்ட் டிராக் நாளை வெளியாகும் என இசையமைப்பாளர் ஜிப்ரான் ட்வீட்டர் பக்கத்தில் அறிவித்திருந்தார். இதனையடுத்து.  ரசிகர்கள் அனைவரும் படத்தின் OST-யில் தங்களுக்கு பிடித்த டோன்களை ரிங்க் டோனாக வைக்க காத்திருந்தார்கள்.

Here it is…#ThunivuOST . Thanks for all the Love, Support & Appreciation through out the journey – it was an experience of a lifetime! Gratitudes ????????

Link – https://t.co/PULGyn5MzQ#Thunivu #ThunivuSoundtrack pic.twitter.com/oxckwrmw9y

— Ghibran (@GhibranOfficial) February 10, 2023

நேற்று அறிவித்தபடி தற்போது படத்திற்கான OST- ஒரிஜினல் சவுண்ட் டிராக்கை இசையமைப்பாளர் ஜிப்ரான் ட்வீட்டர் பக்கத்தில் வெளியிட்டுள்ளார். மேலும் துணிவு திரைப்படம் சமீபத்தில் நெட்ப்ளிக்ஸ் ஓடிடி தளத்தில் வெளியானது. அதிலும், படத்தை திரையரங்குகளில் பார்க்காதவர்கள் ஓடிடியில் பார்த்துவிட்டு தங்களுடைய கருத்துக்களை சமூக வலைத்தளங்களில் பதிவிட்டு வருகிறார்கள் என்பது குறிப்பிடத்தக்கது.