‘வாத்தி’ படத்தின் இடைவெளியில் ‘லியோ ‘ பட காட்சி..! தயாரிப்பு நிறுவனத்தின் மாஸ்டர் பிளான்.!

தனுஷ் தற்போது வெங்கி அட்லூரி இயக்கத்தில் உருவாகியுள்ள “வாத்தி”  திரைப்படத்தில் நடித்து  முடித்துள்ளார். இந்த திரைப்படம் வரும் பிப்ரவரி-17ஆம் தேதி தமிழ், தெலுங்கு ஆகிய மொழிகளில் திரையரங்குகளில் வெளியாகிறது. படத்தை தமிழகத்தில் பிரபல தயாரிப்பு நிறுவனமான 7 ஸ்க்ரீன்  நிறுவனம் வாங்கி வெளியிடுகிறது.

எனவே, கிட்டத்தட்ட படம் தமிழகத்தில் மட்டும் 500 திரையரங்குகளில் வெளியாகும் என எதிர்பார்க்கப்படுகிறது. மேலும், 7 ஸ்க்ரீன் நிறுவனம் தான் தற்பொழுது லோகேஷ் கனகராஜ் இயக்கத்தில் விஜய் நடித்து வரும் “லியோ” திரைப்படத்தையும் தயாரித்து வருகிறது.

இதனால் வாத்தி திரைப்படத்துடன் சேர்த்து லியோ படத்தையும் ப்ரோமோஷன் செய்வதற்காக 7 ஸ்க்ரீன் நிறுவனம் மாஸ்டர் பிளான் ஒன்றை போட்டுள்ளது. அதன்படி, வாத்தி திரைப்படம் வெளியாகி  திரையரங்குகளில் ஒளிபரப்பாகும் போது அதனுடைய இடைவேளை (Interval) காட்சியில் ‘லியோ’ படத்திற்கான டைட்டில் டீசரை ஒளிபரப்பு செய்ய பேச்சுவார்த்தை நடந்து வருவதாக கூறப்படுகிறது.

இதனால், வாத்தி திரைப்படம் பார்க்க செல்லும் அனைவரும் “லியோ” படத்திற்கான டைட்டில் டீசரை திரையரங்குகளில் பார்த்து மகிழலாம். விரைவில் இதற்கான அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.