பிரமாண்டமாக தொடங்கப்பட்டுள்ள பிக் பாஸ் சீசன் 5 நிகழ்ச்சியில் 18 போட்டியாளர்கள் களமிறக்கப்பட்டுள்ளனர்.
பிரபல தனியார் தொலைக்காட்சியாகிய விஜய் தொலைக்காட்சியில் கடந்த நான்கு வருடமாக வெற்றிகரமாக ஒளிபரப்பப்பட்ட நிகழ்ச்சி தான் பிக் பாஸ். இந்த வருடத்திற்கான பிக்பாஸ் சீசன் 5 நிகழ்ச்சி இன்று பிரமாண்டமாக தொடங்கப்பட்டுள்ளது. இந்நிலையில் இந்த நிகழ்ச்சியையும் வழக்கம் போல நடிகர் கமல்ஹாசன் அவர்கள் தான் தொகுத்து வழங்குகிறார்கள்.
கடந்த வருடம் போல் அல்லாமல் இந்த வருடம் 18 போட்டியாளர்கள் களமிறக்கப்படுகிறார்கள். அந்த வகையில் முதலாவதாக கானா பாடகி இசை வாணியும், இரண்டாவது போட்டியாளராக சீரியல் நடிகர் ராஜுவும், மூன்றாவதாக மாடல் மதுமிதாவும், நான்காவதாக தொகுப்பாளர் அபிஷேக்கும் களமிறக்கப்பட்டுள்ளார்கள்.
unknown nodeஐந்தாவது போட்டியாளராக மாடலும், நடிகையுமாகிய திருநங்கை நமீதா அவர்களும், ஆறாவது போட்டியாளராக பிரபல தொகுப்பாளினி பிரியங்கா அவர்களும், ஏழாவது போட்டியாளராக ஜெமினி கணேசனின் பேரன் அபினை அவர்களும், எட்டாவது போட்டியாளராக நடிகை பவானி ரெட்டி அவர்களும், ஒன்பதாவது போட்டியாளராக நாட்டுப்புற கலைஞர் சின்ன பொண்ணு அவர்களும், பத்தாவது போட்டியாளராக மாடல் அழகி நதியா அவர்களும் களமிறக்கப்பட்டுள்ளனர்.
unknown nodeமேலும் பதினோராவது போட்டியாளராக நடிகர் வருண், 12 வது போட்டியாளராக தொகுப்பாளரும் நகைச்சுவை நடிகருமாகிய இமான் அண்ணாச்சியும், 13 வது போட்டியாளராக மாடல் ஸ்ருதியும், 14 வது போட்டியாளராக மாடல் அழகி அக்ஷராவும், 15 வது போட்டியாளராக ராப் இசை பாடகி ஐக்கி பெர்ரியும், 16 வது போட்டியாளராக நாடக கலைஞர் தமிழ் செல்வியும், 17வது போட்டியாளராக மாஸ்டர் படத்தில் விஜயின் மாணவராக நடித்த சிபி சந்திரனும், 18வது போட்டியாளராக நடிகர் நிரூப் நந்தகுமார் அவர்களும் களமிறக்கப்பட்டுள்ளனர்.