விஜயகாந்துக்கு பாராட்டு விழா நடத்தப்படும்.! நடிகர் விஷால் அறிவிப்பு.!

நடிகர் சங்க கட்டடத்தின் பத்திரத்தை மீட்டது நடிகர் விஜயகாந்துக்கு நிச்சயம் பாராட்டு விழா நடத்தப்படும், முறையாக நடத்துவோம் என விஷால் கூறியுள்ளார். 

நடிகர் விஷால் தற்போது ஆதிக் ரவிச்சந்திரன் இயக்கத்தில் உருவாகி வரும் மார்க் ஆண்டனி திரைப்படத்தில் நடித்து வருகிறார். இந்த திரைப்படம் விரைவில் திரையரங்குகளில் வெளியாகவுள்ள நிலையில், படத்தின் மோஷன் போஸ்டர் இன்று சென்னையில் விழா ஒன்று நடத்தப்பட்டு வெளியிடப்பட்டது.

இந்த விழாவில் பேசிய விஷால் ” நடிகர் சங்க கட்டடத்தின் பத்திரத்தை மீட்டது நடிகர் விஜயகாந்த். அந்த இடத்தில் அவருக்கு பாராட்டு விழா நடத்துவதுதான் சரியான அங்கீகாரமாக இருக்கும். நிச்சயம் பாராட்டு விழா நடத்தப்படும், முறையாக நடத்துவோம்” என உறுதியாக கூறியுள்ளார்.