அடி தூள்…3 நாளில் 51 கோடி வசூல் செய்த ‘வாத்தி’.! அதிகாரப்பூர்வ அறிவிப்பு.!

வாத்தி திரைப்படம் வெளியான 3 நாட்களில் உலகம் முழுவதும் 51 கோடி வசூல் செய்துள்ளதாக படக்குழு அதிகாரப்பூர்வமாக அறிவித்துள்ளது.

இயக்குனர் வெங்கி அட்லூரி இயக்கத்தில் நடிகர் தனுஷ் நடிப்பில் கடந்த பிப்ரவரி 17-ஆம் தேதி வெளியான வாத்தி திரைப்படம் ரசிகர்களுக்கு மத்தியில் நல்ல விமர்சனத்தை பெற்று வசூலை குவித்து வருகிறது. படத்தை பார்த்த மக்கள் பலரும் படம் அருமையாக இருப்பதாக கருத்துக்களை கூறி வருகிறார்கள்.

இந்த திரைப்படத்தில் தனுஷிற்கு ஜோடியாக மலையாள நடிகை சம்யுக்த்தா மேனன் நடித்திருந்தார். தனிகெள பரணி, சாய் குமார், சமுத்திரக்கனி, ஆடுகளம் நரேன், ஷா ரா  உள்ளிட்டோர் முக்கியமான கதாபாத்திரத்தில் நடித்திருந்தார்கள். படத்திற்கு இசையமைப்பாளர் ஜிவி பிரகாஷ் இசையமைத்திருந்தார்.

இந்த நிலையில், படம் வெளியாகி 3 நாட்கள் ஆன நிலையில், உலகம் முழுவதும் எத்தனை கோடி வசூல் செய்துள்ளது என்பதை படக்குழு அதிகாரப்பூர்வமாக அறிவித்துள்ளது. அதன்படி, தமிழ், தெலுங்கு, ஆகிய மொழிகளில் வெளியான இந்த திரைப்படம் உலகம் முழுவதும் வெளியான 3 நாட்களில் 51 கோடி வசூல் செய்துள்ளதாக அறிவிக்கப்பட்டுள்ளது.

#Vaathi #SIR grosses 51 crores in just 3️⃣ days????

Best ever opening for our Star @dhanushkraja ????#Vaathi #SIR tops Monday’s test results as expected ????

‘D’ Rampage continues????#VenkyAtluri @iamsamyuktha_ @gvprakash @dopyuvraj @NavinNooli @vamsi84 @SitharaEnts @7screenstudio pic.twitter.com/JxWtVZHujA

— Sithara Entertainments (@SitharaEnts) February 20, 2023

கடைசியாக தனுஷ் நடிப்பில் வெளியான திருச்சிற்றம்பலம், நானே வருவேன் ஆகிய படங்கள் வசூல் ரீதியாகவும், விமர்சன ரீதியாகவும் நல்ல வெற்றியை பெற்றிருந்தது . அதனை தொடர்ந்து தற்போது வாத்தி திரைப்படன் வெளியான 3 நாட்களிலே 50 கோடி வசூல் செய்து மிகப்பெரிய வெற்றிப்படமாக மாறியுள்ளது. படத்திற்கு நல்ல வரவேற்பு கிடைத்து வருவதால் வரும் நாட்களில் படத்தின் வசூல் இன்னும் அதிகரிக்கும் என எதிர்பார்க்கப்படுகிறது.