நடிகர் மனோபாலா உடலுக்கு நேரில் சென்று அஞ்சலி செலுத்திய நடிகர் விஜய் .!!

நடிகரும், இயக்குனருமான மனோபாலா உடல் நலக்குறைவால் காலமானார். அவருக்கு வயது 69. கல்லீரலில் ஏற்பட்ட பிரச்சனை காரணமாக 15 நாட்களாக சிகிச்சை பெற்று வந்த நிலையில் மனோபாலா, இன்று சென்னையில் உள்ள தனது வீட்டில் காலமானார்.

இவருடைய திடீர் மறைவு திரைதுறையில் பெரும் அதிர்ச்சியும் சோகத்தையும் ஏற்படுத்தி உள்ள நிலையில், ரசிகர்கள் மற்றும் சினிமா பிரபலங்கள் தனது ஆழ்ந்த இரங்கலை தெரிவித்து வருகின்றனர்.

மனோபாலாவின் உடல் நாளை காலை 10.30 மணிக்கு, வடபழனியில் உள்ள மின் மயானத்தில் தகனம் செய்யப்படுகிறது. இதனையடுத்து அவருடைய உடல் பொதுமக்கள் மற்றும் பிரபலங்கள் அஞ்சலி செலுத்துவதற்காக சென்னையில் உள்ள அவரது வீட்டில் வைக்கப்பட்டுள்ளது.

Thalapathy Vijay paid his last respect to Manobala. pic.twitter.com/Gxz6uue3DK

— LetsCinema (@letscinema) May 3, 2023

இந்நிலையில், பிரபலங்கள் பலரும் நேரில் சென்று தனது இரங்கலை தெரிவித்து வருகிறார்கள். அந்த வகையில், நடிகர் விஜய் தற்போது நேரில் சென்று இரங்கலை தெரிவித்துவிட்டு மறைந்த நடிகர் மனோபாலாவின் குடும்பத்தினருக்கு தனது ஆறுதல்களை தெரிவித்துள்ளார்.