புதிய கார் வாங்கிய நடிகர் சஞ்சய் தத்! விலை எவ்வளவு தெரியுமா?

சஞ்சய் தத் : பாலிவுட் நடிகர் சஞ்சய் தத் கேஜிஎப் 2 படத்தில் வில்லன் கதாபாத்திரத்தில் நடித்ததன் மூலம் அவருடைய மார்க்கெட் எங்கயோ சென்று விட்டது என்றே சொல்லலாம். இந்த திரைப்படத்தின் வெற்றியை தொடர்ந்து தமிழில், விஜய்க்கு வில்லனாக லியோ திரைப்படத்தில் சஞ்சய் தத் நடித்து இருந்தார். இந்த படமும் வசூல் ரீதியாக மிகப்பெரிய வெற்றியை பெற்றிருந்தது.

இந்த வெற்றிகளை தொடர்ந்து அடுத்ததாக தமிழில் அஜித்திற்கு வில்லனாக விடாமுயற்சி படத்தில் நடித்து வருவதாக தகவல்கள் வெளியானது. ஆனால், இன்னும் படத்தின் தயாரிப்பு நிறுவனம் சார்பில் இருந்து அதிகாரப்பூர்வமாக எந்த அறிவிப்பும் வெளியாகவில்லை. படம் வெளியான பிறகு தான் தெரியவரும்.

இதற்கிடையில், நடிகர் சஞ்சய் தத் கடந்த ஜூலை 29-ஆம் தேதி தன்னுடைய 65-வது பிறந்த நாளை கொண்டாடினார். அவருக்கு ரசிகர்கள் மற்றும் சினிமா பிரபலங்கள் என பலரும் தங்களுடைய வாழ்த்துக்களை தெரிவித்து இருந்தார்கள். இந்நிலையில், தன்னுடைய பிறந்த நாளை முன்னிட்டு சஞ்சய் தத் விலையுயர்ந்த கார் ஒன்றை வாங்கியுள்ளார்.

கருப்பு நிறத்தில் இருக்கும் ரேஞ்ச் ரோவர் வகையை சேர்ந்த கார் ஒன்றை சஞ்சய் தத் வாங்கியுள்ளார். அவர் வாங்கிய அந்த காரின் விலை கிட்டத்தட்ட 4 கோடி வரை இருக்கும் என கூறப்படுகிறது. அவர் கார் வாங்கியது தொடர்பான வீடியோ சமூக வலைத்தளங்களில் வைரலாகி வரும் நிலையில், காரின் விலையை கேட்ட நெட்டிசன்கள் எம்மாடி இவ்வளவு விலையா? என ஆச்சரியத்துடன் கூறிவருகிறார்கள்.