பிஃபா உலகக்கோப்பை 2026 (FIFA World Cup 2026) தொடரின் குரூப் பி பிரிவின் விறுவிறுப்பான மூன்றாவது ஆட்டத்தில், தொடரை நடத்தும் நாடான கனடா, போஸ்னியா ஹெர்ஸகோவினா அணியை எதிர்கொள்கிறது. டொராண்டோவில் உள்ள புகழ்பெற்ற டொராண்டோ மைதானத்தில் (BMO Field) இந்த ஆட்டம் நடைபெறுகிறது.
இந்திய நேரப்படி நாளை அதிகாலை (ஜூன் 13) 12:30 மணிக்கு (டொராண்டோ நேரப்படி ஜூன் 12 மதியம் 3:00 மணி) இந்த ஆட்டம் தொடங்குகிறது. போட்டியை உற்றுநோக்கும் ரசிகர்களுக்காக, தற்போதைய வானிலை நிலவரம் மற்றும் அது ஆட்டத்தில் ஏற்படுத்தக்கூடிய தாக்கங்கள் குறித்த முழு விபரங்கள் வெளியாகி இருக்கிறது.
டொராண்டோவின் சமீபத்திய வானிலை அறிக்கையின்படி, போட்டி நடைபெறும் நேரத்தில் வானிலை மிகவும் இனிமையாகவும், விளையாடுவதற்கு ஏதுவாகவும் இருக்கும் என்று கணிக்கப்பட்டுள்ளது.
வெப்பநிலை: ஆட்டம் தொடங்கும் போது வெப்பநிலை 27°C ஆக இருக்கும். போட்டிக்கு முந்தைய நாட்களில் நிலவிய கடுமையான புழுக்கம் மற்றும் உஷ்ணம், ஆட்டம் தொடங்குவதற்கு சற்று முன்பாக விலகிவிடும்.
ஈரப்பதம் (Humidity): மதிய வேளையில் ஒரு குளிர்ந்த காற்று வீசத் தொடங்கும் என்பதால், காற்றில் இருக்கும் ஈரப்பதத்தின் அளவு குறைந்து ஆட்டம் மிகவும் சுறுசுறுப்பாக நடைபெற உதவும்.
வெப்பத்தாக்கம்: காலநிலை மாற்ற ஆராய்ச்சியாளர்களின்படி, இந்த ஆட்டத்தில் வீரர்களின் ஓட்ட வேகத்தையோ அல்லது திறமையையோ பாதிக்கும் அளவிற்கான 'உயர் வெப்ப அச்சுறுத்தல்' (Performance-impairing heat) ஏற்பட வெறும் 9% மட்டுமே வாய்ப்பு உள்ளது. எனவே வெப்பம் ஒரு பெரிய தடையாக இருக்காது.
ஆட்டத்தில் பாதிப்பு இருக்குமா?
போட்டி தொடங்குவதற்கு முந்தைய பகுதியில், அதாவது இன்று காலையில் டொராண்டோவில் லேசான மழை மற்றும் இடியுடன் கூடிய சூறாவளி காற்று வீசியது. இருப்பினும், வானிலை நிபுணர் ஆண்டனி ஃபார்னெல் தெரிவித்துள்ளபடி, மதிய நேரத்திற்குப் பிறகு இந்த மேகமூட்டங்கள் கலைந்து சூரிய வெளிச்சம் வரத்தொடங்கும். போட்டித் தொடங்குவதற்கு முன்பே மழை முழுமையாக நின்றுவிடும் என்பதால், நேரடி கால்பந்து ஆட்டத்தில் மழை எந்தவொரு பெரிய பாதிப்பையும் ஏற்படுத்தாது என்று உறுதியாக நம்பப்படுகிறது.