இன்னும் 3 நாட்களில் Vivo X100, Vivo X100 Pro உலக அளவில் அறிமுகம்..!

சீன ஸ்மார்ட்போன் தயாரிப்பாளரான விவோ கடந்த ஆண்டு X90 தொடரில் Vivo X90, X90 Pro மற்றும் X90 Pro+ ஆகியவற்றை அறிமுகப்படுத்தியது. இந்நிலையில், விவோவின் X100 தொடர் அடுத்த வாரம் உலக அளவில் அறிமுகமாக உள்ளது.  நிறுவனம் சில வாரங்களுக்கு முன்பு சீனாவில் இந்த தொடரின் Vivo X100 மற்றும் X100 Pro ஐ அறிமுகப்படுத்தியது. இந்த ஸ்மார்ட்போன்கள் MediaTek இன் Dimensity 9300 சிப்செட் மற்றும் மூன்று பின்புற கேமரா அமைப்பைக் கொண்டுள்ளன.

Vivo X100 மற்றும் X100 Pro ஆகியவை டிசம்பர் 14-ம் தேதி உலக அளவில் அறிமுகம் செய்யப்படுவது குறித்த தகவலை அந்நிறுவனத்தின்  இணையதளத்தில் வெளியிட்டது.  இந்த ஸ்மார்ட்போன்கள் இந்தியாவிலும் வெளியிடப்படலாம் எனவும் கூறப்படுகிறது. இருப்பினும் இந்தியாவில் Vivo X100 மற்றும் Vivo X100 Pro வெளியீட்டு தேதியை Vivo இன்னும் வெளியிடவில்லை.இந்தத் தொடரின் அடிப்படை மாடலான X100, சீனாவில் உள்ள மக்கள் மத்தியில் அதிகம் ஈர்க்கப்பட்டுள்ளது.

விவோ X100 அறிமுகம் செய்யப்படுவதற்கு முன்பே 10 லட்சத்திற்கும் அதிகமான  முன்பதிவு செய்யப்பட்டுள்ளன.  இந்த ஸ்மார்ட்போனில் 6.79 இன்ச் முழு HD+ AMOLED டிஸ்ப்ளேவை கொண்டுள்ளது உள்ளது. எக்ஸ் சீரிஸ் ஸ்மார்ட்போனுக்கு இவ்வளவு பெரிய அளவிலான முன்கூட்டிய ஆர்டர்களைப் பெறுவது விவோ நிறுவனத்திற்கு இதுவே முதல் முறையாகும்.

Vivo X100 மற்றும் X100 Pro ஆகியவை டைமன்சிட்டி 9300 SoC ஐக் கொண்டுள்ளன. இரண்டு போன்களின் கேமராவிற்கும்,  பேட்டரிக்கும் நிறைய வித்தியாசம் உள்ளது. X100 ஆனது 120W வயர்டு சார்ஜிங்குடன் 5,000 mAh பேட்டரியைக் கொண்டுள்ளது. X100 Pro ஆனது 100W வயர்டு மற்றும் 50W வயர்லெஸ் சார்ஜிங்குடன் 5,400 mAh பேட்டரியைக் கொண்டுள்ளது.

இரண்டு ஃபோன்களும் 1TB வரை உள்ளடங்கிய ஸ்டோரேஜ் கொண்டது. பயோமெட்ரிக் அங்கீகாரத்திற்கான இன்-டிஸ்ப்ளே கைரேகை ஸ்கேனரைக் கொண்டுள்ளது.

2 மாடல்களும் உள்ள கேமரா வித்தியாசம்:

விவோ எக்ஸ்100 (Vivo X100) ஆனது 50-மெகாபிக்சல் சோனி ஐ எம் எக்ஸ் 920 (IMX920) கேமரா மற்றும் 64-மெகாபிக்சல் பெரிஸ்கோப் ஜூம் லென்ஸ் ஆகியவற்றைக் கொண்டுள்ளது. விவோ எக்ஸ்100 ப்ரோ (Vivo X100 Pro) 50-மெகாபிக்சல்  சோனி ஐ எம் எக்ஸ் (IMX989 VCS) பயோனிக் சென்சார் கேமராவைக் கொண்டுள்ளது. இது தவிர  X100 போனில் உள்ள 64 மெகாபிக்சல் டெலிஃபோட்டோ மேக்ரோ லென்ஸுக்கு பதிலாக 50 மெகாபிக்சல் ஜெய்ஸ் ஏபிஓ பெரிஸ்கோப் டெலிஃபோட்டோ மேக்ரோ லென்ஸ் வழங்கப்பட்டுள்ளது.

இரண்டு மாடல்களும் மூன்றாவது கேமராவாக  50 மெகாபிக்சல் அல்ட்ரா-வைட் லென்ஸ் ஆங்கிள் கேமராவை கொண்டுள்ளது.