சமூகவலைத்தளங்களில்,பீகார் முன்னாள் முதலமைச்சர் லாலு பிரசாத் யாதவின் மகன் தேஜ்பிரதாப் யாதவ், தனது மனைவியுடன் சைக்கிளில் பயணிக்கும் புகைப்படங்கள் வைரலாகி வருகின்றன.
தேஜ்பிரதாப் யாதவுக்கும், ராஷ்டிரிய ஜனதா தள முன்னாள் அமைச்சர் சந்திரிகா பிரசாத் ராயின் மகள் ஐஸ்வர்யா ராய்க்கும் கடந்த 12-ஆம் தேதி திருமணம் நடந்தது.
திருமண புகைப்படங்களும், வீடியோக்களும் சமூக வலைத்தளங்களில் பெருமளவு பகிரப்பட்டன. இதன் தொடர்ச்சியாக, அந்த புதுமணத் தம்பதி பாட்னா நகர வீதிகளில் சைக்கிளில் பயணிக்கும் புகைப்படங்களும் பரவி வருகின்றன. தேஜ்பிரதாப் சைக்கிளை ஓட்ட, அதன் முன்பகுதியில் ஐஸ்வர்யா ராய் அமர்ந்திருக்கும் அந்தப் புகைப்படங்கள், இன்ஸ்டாகிராமில் பகிரப்பட்டு, டுவிட்டர், ஃபேஸ்புக் என சமூக வலைத்தளங்களில் வைரலாகி வருகின்றன.
மேலும் செய்திகளுக்கு தினச்சுவடுடன் இணைந்திருங்கள்.
