தமிழகம் வந்த விஷ்வ ஹிந்து பரிசித் அமைப்பின் சார்பில் ராம ராஜ்ய யாத்திரைக்கு எதிர்ப்பு தெரிவித்து, தலைமை செயலகம் முன் சாலைமறியலில் ஈடுபட்ட மு.க.ஸ்டாலின் உள்ளிட்ட தி.மு.க உறுப்பினர்கள் கைது செய்யப்பட்டுள்ளனர். இதனை கண்டித்து திமுகவினர் தமிழகம் முழுவதும் சாலைமறியல் போராட்டத்தில் ஈடுபட்டனர். இதேபோன்று கோவில்பட்டியில் திமுகவினர் சாலை மறியல் போராட்டத்தில் ஈடுபட்டனர். அண்ணா பஸ்நிலையம் அருகே நடைபெற்ற சாலைமறியல் போராட்டத்திற்கு நகரசெயலாளர் கருணாநிதி, ஒன்றிய செயலாளர் முருகேசன் ஆகியோர் தலைமை தாங்கினார்கள். இந்த சாலை மறியல்போராட்டத்தில் கலந்து கொண்டவர்கள் ஸ்டாலின் கைது செய்யபட்டதை கண்டித்தும் தமிழக அரசை கண்டித்தும் கண்டன கோஷமிட்டனர்.இந்த போராட்டத்தில் ஈடுபட்ட 50க்கும் மேற்பட்ட திமுகவினரை போலீசார் அப்புறப்படுத்தினர். இதனால் சிறிது நேரம் போக்குவரத்து பாதிக்கப்பட்டது
