நேற்று சென்னை எம்ஜிஆர் நகரில் உள்ள நட்சத்திர ஹோட்டல் ஒன்றில் செய்தியாளர்களுக்கு மத்திய மந்திரி ராம் விலாஸ் பஸ்வான் பேட்டியளித்தார். அந்த நிகழ்ச்சியில் தமிழக பாஜக தலைவர் டாக்டர் தமிழிசையும் கலந்து கொண்டார்.
செய்தியாளர்களுக்கு பேட்டி அளித்த பின்னர் அங்கு தேனீர் விருந்து ஏற்பாடு செய்தனர். அதற்கு முன் மத்திய மந்திரி ராம் விலாஸ் பஸ்வானுக்கு டாக்டர் தமிழிசை பூச்செண்டு கொடுத்து வரவேற்றார்.
இந்நிலையில் நேற்று அந்த நட்சத்திர ஓட்டலில் ஏராளமான பாஜக தொண்டர்கள் மற்றும் நிகழ்ச்சியை ஒழுங்குபடுத்துவதற்காக ஹோட்டல் ஊழியர்கள் என பலர் இருந்தனர். அப்போது தமிழக பாஜக தலைவர் டாக்டர் தமிழிசை சௌந்தரராஜன் செல்போன் திடீரென மாயமானது. உடனடியாக அவருடைய செல்போன் எண்ணுக்கு தொடர்பு கொண்டனர்.ஆனால் போனில் இருந்து சத்தம் எதுவும் கேட்கவில்லை.
இது தொடர்பாக காவல்துறை விசாரிக்கும்படி தமிழிசை சௌந்தராஜன் போலீசில் புகார் அளித்துள்ளார்.
