ஜூன் 1-ம் தேதி முதல் உயர்நீதிமன்றத்தில் வீடியோ கான்பரன்ஸ் மூலம் வழக்கு விசாரணை!

ஜூன் 1-ம் தேதி முதல் உயர்நீதிமன்றத்தில் வீடியோ கான்பரன்ஸ் மூலம் வழக்கு விசாரணை.

தமிழகம் முழுவதும் கொரோனா வைரஸ் தீவிரமாக பரவி வருகிற நிலையில், இதனை கட்டுப்படுத்த அரசு பல முன்னெச்சரிக்கை நடவடிக்கைகளை மேற்கொண்டு வருகிறது. அந்த வகையில், தமிழகம் முழுவதும் அரசு ஊரடங்கு உத்தரவை பிறப்பித்துள்ளது. இதனையடுத்து, ஊரடங்கு அமலில் உள்ளதால் நீதிபதிகள் தங்களது இல்லத்தில் இருந்தே வழக்குகளை விசாரித்து வருகின்றனர்.

இந்நிலையில், பார் கவுன்சில் மற்றும் வழக்கறிஞர் சங்கங்கள், உரிய பாதுகாப்புடன் நீதிமன்றத்தில் வழக்குகளை விசாரணைக்கு எடுத்துக்கொள்ள வேண்டும் என்று கோரிக்கை விடுத்தனர். இதனையடுத்து, உயர்நீதிமன்றத்தில் நாளை மறுநாள் முதல் 33 அமர்வுகள் வீடியோ கான்பரன்ஸ் வாயிலாக வழக்குகளை விசாரிக்க உள்ளதாக அறிவிக்கப்பட்டுள்ளது.

மேலும், நீதிபதிகள் தங்களது மடிக்கணினி அல்லது ஐ-பேடை நீதிமன்றத்திற்கு கொண்டுவர வேண்டும் என்று பதிவாளர் சுற்றறிக்கை அனுப்பியுள்ளார்.

ஜூன் 1 முதல் இயக்கப்பட உள்ள ரயில்களுக்கு சற்று நேரத்தில் தொடங்கவுள்ள முன்பதிவு.!

ஜூன் 1 முதல் இயக்கப்பட உள்ள ரயில்களுக்கு முன்பதிவு இன்று காலை 10 மணி முதல் தொடங்க உள்ளது.

கொரோனா வைரஸ் காரணமாக நாடு முழுவதும் ஊரடங்கு அமல்படுத்தப்பட்டுள்ள நிலையில்  மே 31-ஆம் தேதியுடன் ஊரடங்கு நிறைவடைய உள்ளது. இந்நிலையில்,  ஜூன் 1-ம் தேதி முதல் 200 ரயில்கள் முதல் கட்டமாக இயக்கப்பட உள்ளது என மத்திய ரயில்வே துறை அமைச்சர் பியூஷ் கோயல் தனது ட்விட்டர் பக்கத்தில் தெரிவித்திருந்தார். இந்த ரயில்கள் ஏற்கனவே இயக்கப்பட்டது தான் சிறப்பு ரயில்கள் அல்ல எனவும் அவர் கூறியுள்ளார்.

இந்த ரயிலுக்கான கால அட்டவணை இந்திய ரயில்வே நிர்வாகம் வெளியிட்டது. ஜூன் 1 முதல் ஏ.சி. இல்லாத நாள்தோறும் 200 ரயில்கள் இயக்கப்பட உள்ளதாக அறிவிக்கப்பட்ட நிலையில், இந்த ரயில்களுக்காக முன்பதிவு இன்று காலை 10 மணி முதல் தொடங்க உள்ளது. இந்த 200 ரயில்களில் தமிழகத்திற்கு எந்த ரயில் சேவையும் இடம்பெறவில்லை என்பது குறிப்பிடத்தக்கது.  

இன்று உலக பால் தினம்! பாலகர்களின் பசி தீர்க்கும் பால் தினம் பிறந்த வரலாறு!

பால் இன்று நமது அன்றாட வாழ்க்கையில் ஒரு முக்கியமான இடத்தை பிடித்துள்ளது. பால் குழந்தைகளின் பசி தீர்ப்பதற்காக மட்டுமல்லாது, சிறியவர்கள் முதல் பெரியவர்கள் வரை பாலை உபயோகிக்கின்றனர். குழந்தை பிறந்து தாய்க்கு பால் கொடுக்க இயலாத நிலையில், பச்சிளம் குழந்தையின் பசி தீர்ப்பதும் இந்த பால் தான்.

இன்று (ஜூன்-1)-ம் தேதி உலகம் முழுவதும் உலக பால் தினமாகக் கொண்டாடப்படுகிறது. இந்த தினம் முதன்முதலாக 2001-ம் ஆண்டு, உலகெங்கும் பல நாடுகளின் பங்களிப்புடன் கொண்டாடப்பட்டது. இதனையடுத்து, இந்நாளில் ஒவ்வொரு ஆண்டும், பால் மற்றும் பால்துறை நிறுவனங்கள் தொடர்பான நடவடிக்கைகளை விளம்பரபடுத்துவதில் கவனம் செலுத்தப்பட்டு வருகிறது.

உலக நாடுகளில், ஐக்கிய நாடுகளின் உணவு மற்றும் வேளாண்மை அமைப்பு மூலம் ஜூன்-1ம் தேதி உலக பால் தினம் கொண்டாடப்படுகிறது. இந்த கொண்டாட்டத்தால் பாலின் முக்கியத்துவம் மற்றும் அதன் நன்மைகள் பற்றி மக்கள் அறிந்துகொள்வதற்கு உதவியாய் இருக்கிறது.