உலகின் முன்னணி சமூக வலைத்தளங்களில் ஒன்றான வாட்ஸ் அப், தனது வாடிக்கையாளர்களுக்கு அவ்வப்போது புதுப்புது வசதிகளை செய்து கொண்டிருக்கின்றது.இந்த வசதிகள் மக்களிடையே வரவேற்பை பெற்றுள்ளது. அந்த வகையில் தற்போது புதிய வசதியாக குரூப் டிஸ்கஷன் செய்வதற்காக குழுவாக வாய்ஸ் மற்றும் வீடியோ அழைப்புகளை உபயோக்கிகும் வசதியை செய்து கொடுத்துள்ளது. வாட்ஸ் அப் குரூப் மெம்பர்களுடன் நேரடியாக ஸ்க்ரீன் மூலம் அவர்களுடன் உரையாடலாம்.
கடந்த சில வாரங்களில் வாட்ஸ் அப்-இன் பல்வேறு பீட்டா பதிப்புகளில் பல புதிய அம்சங்களின் கிடைக்கப்பெற்றிருப்பதாக தெரிவிக்கப்பட்டுள்ளது. ஆண்ட்ராய்டு போன்களில் புதிய அப்டேட் வாட்ஸ் அப் வெர்ஷனில் வாய்ஸ் மற்றும் வீடியோ அழைப்புகளின் மூலம் குழுவில் உள்ளவர்களுடன் நமது கருத்தை பகிர்ந்து கொள்ளவும் அவர்களது கருத்தை தெரிந்து கொள்ளவும் முடியும். ஒரு சின்ன சொடுக்கலின் மூலம் வாய்ஸ்கால் மற்றும் வீடியோ கால் அழைப்புகளை போன்களில் பெற்று வாட்ஸ் அப் குழுவினர்களிடம் பேசுவது மிக எளிதாக இருக்கும் வகையில் அமைக்கப்பட்டுள்ளதுதான் இதன் சிறப்பு.
