ஹூவாய் நிறுவனம் இந்த ஆண்டு இந்திய மொபைல் சந்தையில் அதிமான ஸ்மார்ட்போன் மாடல்களை அறிமுகப்படுத்த திட்டமிட்டுள்ளது, அதன்பின்பு தற்சமயம் வெளிவந்துள்ள அறிவிப்பில் மார்ச்-20-ம் தேதி அட்டகாசமான ஹூவாய் நோவா 3இ ஸ்மார்ட்போன் மாடலை அறிமுகப்படுத்த திட்டமிட்டுள்ளது. இந்த ஸ்மார்ட்போன் மாடலில் டூயல் ரியர் கேமரா அமைப்பு இடம்பெற்றுள்ளது என்பது குறிப்பிடத்தக்கது.
ஹூவாய் நோவா 3இ ஸ்மார்ட்போன் மாடல் பொதுவாக 5.84-இன்ச் முழு எச்டி பிளஸ் டிஸ்பிளே வடிவமைப்பை கொண்டுள்ளது, அதன்பின்பு 2280 x 1080 பிக்சல் தீர்மானம் மற்றும் 19:9 என்ற திரைவிகதிம் அடிப்படையில் வெளிவரும்.
ஹூவாய் ஸ்மார்ட்போனில் எப்போதுமே கேமராவுக்கு அதிக முக்கியதுவம் கொடுக்கப்படும், அதன் அடிப்படையில் 16எம்பி +2எம்பி டூயல் ரியர் கேமரா அமைப்பு இடம்பெற்றுள்ளது. மேலும் அசத்தலான கைரேகை சென்சார் மற்றும் பல்வேறு அதிநவீன தொழில்நுட்பங்கள் இவற்றுள் இடம்பெற்றுள்ளது. ஹைசிலிகான் கிரீன் 659 ஆக்டோ-கோர் செயலி மற்றும் ஆண்ட்ராய்டு ஓரியோ இயங்குதளத்தை அடிப்படையாக கொண்டு இந்த ஸ்மார்ட்போன் மாடல் வெளிவரும் எனத் தகவல் தெரிவிக்கப்பட்டுள்ளது.
இந்த ஸ்மார்ட்போனின் சேமிப்பு பொறுத்தவரை 4ஜிபி ரேம் மற்றும் 64ஜிபி/128ஜிபி உள்ளடக்க மெமரி ஆதரவுடன் வெளிவரும் எனத் தகவல் தெரிவிக்கப்பட்டுள்ளது. மேலும் கூடுதலாக மெமரி நீட்டிப்பு ஆதரவு இவற்றுள் இடம்பெற்றுள்ளது. வைபை, ப்ளூடூத், 4ஜி வோல்ட், ஜிபிஎஸ், யுஎஸ்பி டைப்-சி, என்எப்சி, டூயல்-சிம் போன்ற இணைப்பு ஆதரவுகள் இவற்றுள் அடக்கம் எனக் கூறப்படுகிறது.
