புதிய பிஎம்டபிள்யூ ஷேடோ எடிசன் 320டீ வேரியண்ட்டிலும், 330ஐ எம் ஸ்போர்ட் மாடலிலும் கிடைக்கிறது. வசீகரத்தை கூட்டும் அம்சங்களுடன் மிகவும் கவர்ச்சியான புதிய பிஎம்டபிள்யூ 3 சீரிஸ் ஷேடோ எடிசன் மாடல் வந்திருக்கிறது. மேலும், இந்த ஸ்பெஷல் எடிசன் மாடல் குறிப்பிட்ட எண்ணிக்கையில் மட்டுமே விற்பனை செய்யப்பட இருக்கிறது.
ஹெட்லைட்டில் புகை சூழ்ந்தது போன்ற கரும் பூச்சு கொடுக்கப்பட்டு இருக்கிறது. முன்புற கிட்னி க்ரில் அமைப்பில் பளபளப்பு மிகுந்த கருப்பு வண்ணம் தீட்டப்பட்டு இருக்கிறது. இந்த காரில் விசேஷமான டிசைன் கொண்ட 18 அங்குல அலாய் சக்கரங்கள் பொருத்தப்பட்டு இருக்கின்றன. புதிய ஷேடோ எடிசன் காரில் இரட்டை வண்ண அப்ஹோல்ஸ்ட்ரி கொடுக்கப்பட்டு இருக்கிறது. இந்த காரில் 8.7 அங்குல திரையுடன் கூடிய இன்ஃபோடெயின்மென்ட் சிஸ்டம் இடம்பெர்று இருக்கிறது. 10.5 அங்குல திரையுடன் கூடிய இன்ஸட்ரூமென்ட் க்ளஸ்ட்டர் பொருத்தப்பட்டு இருக்கிறது. ரிவர்ஸ் கேமரா, பார்க்கிங் சென்சார் மற்றும் 250வாட் ஆடியோ சிஸ்டம், 330ஐ மாடலில் வேரியபிள் ஸ்போர்ட் ஸ்டியரிங் சிஸ்டம் ஆகியவை முக்கிய அம்சங்களாக இருக்கின்றன.
சாதாரண மாடலில் இடம்பெற்றிருக்கும் அம்சங்கள் இந்த காரில் தக்கவைக்கப்பட்டு இருக்கிறது. எஞ்சினில் மாற்றங்கள் இல்லை. 330ஐ எம் ஸ்போர்ட் பெட்ரோல் மாடலில் 2.0 லிட்டர்் எஞ்சின் பொருத்தப்பட்டு இருக்கிறது. அதிகபட்சமாக 248 பிஎச்பி பவரையும், 350 என்எம் டார்க் திறனையும் வழங்கும். 320டீ ஸ்போர்ட் டீசல் மாடலில் இருக்கும் 2.0 லிட்டர் எஞ்சின் அதிகபட்சமாக 187 பிஎச்பி பவரையும், 400 என்எம் டார்க் திறனையும் வெளிப்படுத்தும் திறன் வாய்ந்தது. இந்த மாடலில் 8 ஸ்பீடு ஆட்டோமேமட்டிக் கியர்பாக்ஸ் பொருத்தப்பட்டு இருக்கிறது. பிஎம்டபிள்யூ 330ஐ மாடல் 0- 100 கிமீ வேகத்தை வெறும் 5.8 வினாடிகளில் எட்டிவிடும். 320டீ மாடலானது 7.2 வினாடிகளில் எட்டும் திறன் கொண்டதாக தெரிவிக்கப்பட்டு இருக்கிறது. புதிய பிஎம்டபிள்யூ 3 சீரிஸ் ஷேடோ எடிசன் காரின் பெட்ரோல் மாடல் ரூ.47.30 லட்சம் விலையிலும், 320டீ டீசல் மாடல் ரூ.41.40 லட்சம் எக்ஸ்ஷோரூம் விலையிலும் கிடைக்கும்.
