அதிமுக பொதுக்குழுவுக்கு பாதுகாப்பு அளிக்கக்கோரி பெஞ்சமின் தொடர்ந்த வழக்கை முடித்துவைத்தது உயர்நீதிமன்றம்.
அதிமுக பொதுக்குழு அட்டவணை, ஓபிஎஸ் அளிக்கும் மனு ஆகியவற்றை ஆராய்ந்து முடிவெடுக்க காவல்துறைக்கு சென்னை உயர் நீதிமன்றம் உத்தரவிட்டுள்ளது. காவல்துறையின் கேள்விகளுக்கு இன்று மதியம் ஒரு மணிக்குள் பதில் அளிக்கவும் நீதிபதி சதீஸ்குமார் உத்தரவிட்டார். அனைத்து தரப்புக்கும் பாதுகாப்பு அளித்து சட்டம் ஒழுங்கை நிலைநாட்ட வேண்டும் என்றும் கூறியுள்ளார். பொதுக்குழு தொடர்பாக ஓபிஎஸ்-யிடம் 26 கேள்விகளை கேட்டிருந்தோம், ஆனால், பதில் வரவில்லை என காவல்துறை தரப்பு தெரிவித்துள்ளது.
பொதுக்குழு பாதுகாப்பு தொடர்பாக ஏதும் பிரச்னையெனில் ஓபிஎஸ் காவல்துறையை நாடலாம் என்றும் நீதிமன்றம் கூறியுள்ளது. அதிமுக பொதுக்குழுவுக்கு பாதுகாப்பு அளிக்கக்கோரி பெஞ்சமின் தொடர்ந்த வழக்கை முடித்துவைத்தது உயர்நீதிமன்றம். அதிமுக பொதுக்குழுவுக்கு பாதுகாப்பு கேட்டு முன்னாள் அமைச்சர் பெஞ்சமின் வழக்கு தொடுத்திருந்தார். வரும் 23-ஆம் தேதி அதிமுக பொதுக்குழு, செயற்குழு நடைபெற உள்ளது என்பது குறிப்பிடத்தக்கது.
