கர்நாடகாவில் “ஆபரேஷன் தாமரை “தோல்வி -காங்கிரஸ் கட்சி விமர்சனம்..!

முன்னாள் மத்திய அமைச்சர் ப. சிதம்பரம் ட்விட்டரில் கூறும்போது, “பாவம் மிஸ்டர் எடியூரப்பா. பொம்மலாட்டக்காரர்கள் தோல்வி அடைந்துள்ளனர். பொம்மைகளும் கீழே விழுந்து உடைந்துவிட்டன” என்றார்.

ராகுல் பேட்டி:

காங்கிரஸ் தலைவர் ராகுல் காந்தி கூறும்போது, “கர்நாடகா விவகாரத்திலிருந்து பாஜகவும், ஆர்எஸ்எஸ் அமைப்பும் பாடம் கற்றுக்கொண்டன. ஊழலை ஊக்குவிக்க பிரதமர் மோடி முயற்சி செய்து வருகிறார். கர்நாடகாவில் ஜனநாயகம் தழைக்க காங்கிரஸ்-மஜத தலைவர்கள் செய்த முயற்சிக்குப் பாராட்டுக்கள்” என்றார்.

மம்தா பானர்ஜி:

மேற்கு வங்க முதல்வர் மம்தா பானர்ஜி கூறும்போது, “கர்நாடகாவில் ஜனநாயகம் வெற்றி பெற்றுள்ளது. தேவகவுடாவுக்கும், அவரது மகன் குமாரசாமிக்கும், காங்கிரஸ் தலைவர்களுக்கும் வாழ்த்துக்கள்” என்றார். – பிடிஐ