சானியா மிர்சா மற்றும் சோயப் மாலிக் தம்பதி சட்டபூர்வமாக விவாகரத்து செய்யவுள்ளதாக தகவல் வெளியாகியுள்ளது.
இந்தியாவின் டென்னிஸ் வீராங்கனை சானியா மிர்சா மற்றும் முன்னாள் பாகிஸ்தான் கிரிக்கெட்டர் சோயப் மாலிக் இருவரும் கடந்த 2010 ஆம் ஆண்டு திருமணம் செய்து கொண்டனர். அவர்களுக்கு தற்போது 4 வயதில் ஒரு ஆண்குழந்தை இருக்கிறது.
சானியா மிர்சா மற்றும் ஷோயப் மாலிக் இருவரும் சட்டப் பிரச்சனைகளைத் தீர்த்துவிட்டு அதன்பின் இருவரும் பிரிவு குறித்து அறிவிப்பார்கள் என்று பாகிஸ்தானின் ஜியோ நியூஸ் செய்தி வெளியிட்டுள்ளது.
சோயிப் மாலிக்கின் நிர்வாகத் துறை உறுப்பினர் ஒருவர் விவாகரத்து குறித்து உறுதிப்படுத்தியதாகக் கூறப்படுகிறது, மேலும் தம்பதியினரின் நெருங்கிய நண்பர்கள் கூறிய தகவலின்படி சானியா மிர்சா மற்றும் சோயப் மாலிக் இருவரும் பிரிவதற்கு தயாராகிவிட்டனர், சட்டப் பூர்வ ஆவணங்கள் வேலை மட்டுமே எஞ்சியுள்ளது என கூறியுள்ளதாக தகவல் வெளியாகியுள்ளது.
