நடிகை தமன்னா தமிழ் சினிமாவின் பிரபலமான நடிகையாவார். இவர் தமிழில் கேடி படத்தில் நடித்ததன் மூலம் தமிழ் சினிமாவில் அறிமுகமானார். இவரது நடிப்பில் உருவாகியுள்ள பெட்ரோமாக்ஸ் திரைப்படம் வரும் 11-ம் தேதி வெளியாகவுள்ளது. மேலும் இவர் சிரஞ்சீவியின் சைரா ரெட்டி படத்திலும் நடித்துள்ளார்.
இந்நிலையில், இவருக்கு மும்பையை சேர்ந்த தொழிலதிபர் தான் மாப்பிள்ளை என்றும், விரைவில் இவருக்கு திருமணம் நடைபெறவிருப்பதாகவும் செய்திகள் பரவி வருகிறது. இது குறித்து அவரிடம் கேட்டபோது, ‘ நடிப்பிலிருந்து நான் ஒதுங்கிவிடவில்லை. ஆனால் சிலர் தேவையில்லாத வதந்திகளை கிளப்புகிறார்கள். திருமணம் செய்துகொள்ளும் மனநிலைக்கு நான் வரவில்லை. என்னை பற்றி வரும் திருமண செய்தி வெறும் வதந்திதான்’. என கூறியுள்ளார்.