GTvsMI : பேட்டிங் களமிறங்கும் டைட்டன்ஸ் ..!!

GTvsMI : ஐபிஎல் 17-வது தொடரின் 5-வது போட்டியாக குஜராத் அணியும், மும்பை அணியும் மோதும் போட்டி தற்போது அஹமதாபாத், நரேந்திர மோடி மைதானத்தில் தொடங்கி இருக்கிறது. இந்த போட்டியில் டாஸ் வென்ற மும்பை அணி பந்து வீச முடிவு செய்துள்ளது.

இந்த வருடத்தின் மிகவும் அதிகமாக ரசிகர்களால் எதிர்ப்பார்க்க பட்ட போட்டி இதுவாகும். அதற்கு மிக முக்கிய காரணம் மும்பை அணியின் புதிய கேப்டனான ஹர்திக் பாண்டியா. கடந்த இரண்டு வருடங்கள் குஜராத் அணிக்காக கேப்டனாக விளையாடிய இவர் தற்போது மீண்டும் அவரது பழைய அணியான மும்பை அணிக்கு திரும்பியது மட்டும் அல்லாமல் மும்பை அணியின் கேப்டனாகவும் களமிறங்க உள்ளார்.

இதனால் ரசிகர்கள் மத்தியில் இந்த போட்டியிக்கு மிகுந்த எதிர்ப்பார்ப்பு இருந்து வருகிறது. இதனால் போட்டி தொடங்கியது முதல் முடிவு வரை ஆட்டம் விறுவிறுப்பாக இருக்கும் என்பதில் சந்தேகம் இல்லை. இரு அணிகளும் விளையாட போகும் இந்த மைதானம் பேட்டிங் செய்ய ஏதுவான ‘பிட்ச்’ என்பதால் மும்பை அணி பந்து வீச முடிவு எடுத்திருக்கிறது.

குஜராத் அணி வீரர்கள் :

ஷுப்மான் கில் (கேப்டன்), விருத்திமான் சாஹா (விக்கெட் கீப்பர்), சாய் சுதர்சன், விஜய் சங்கர், டேவிட் மில்லர், அஸ்மத்துல்லா ஓமர்சாய், ராகுல் டெவாடியா, ரஷித் கான், உமேஷ் யாதவ், ரவிஸ்ரீனிவாசன் சாய் கிஷோர், ஸ்பென்சர் ஜான்சன்.

மும்பை அணி வீரர்கள் :

ரோஹித் சர்மா, இஷான் கிஷன்(விக்கெட் கீப்பர்), திலக் வர்மா, நமன் திர், ஹர்திக் பாண்டியா (கேப்டன்), டிம் டேவிட், ஷம்ஸ் முலானி, பியூஷ் சாவ்லா, ஜெரால்ட் கோட்ஸி, ஜஸ்பிரித் பும்ரா, லூக் வுட்.

அகில் R

நான் அகில் R, மின்னணு மற்றும் தகவல் தொடர்பு பொறியியல் பட்டதாரியான நான் கடந்த 6 மாத காலமாக தினச்சுவடு ஊடகத்தில் பணியாற்றி வருகிறேன். விளையாட்டு, சினிமா, தொழில்நுட்பம் ஆகியவற்றில் செய்திகளை எழுதி வருகிறேன்.

See Full Bio