IPL2019ல் கடைசி இடத்திற்கு தள்ளப்பட்ட கோலி தலைமையிலான பெங்களூரு ராயல் சேலஞ்சர்ஸ் அணியானது இம்முறையாவது நல்ல நிலையில் விளையாடும் என்று நம்பபடுகிறது.மேலும் அந்த அணிக்கு புதிதாக அணிக்கு வாங்கப்பட்டுள்ள ஆரோன் பிஞ்ச் தொடக்க வீரராக களமிரறங்க உள்ளார். இது அவர் கால்பதிக்கும் 8வது அணி என்பது குறிப்பிடத்தக்கது.மேலும் பெங்களூர் அணி தரப்பில் கேப்டன் கோலி, டிவில்லியர்ஸ் ஜோடி வழக்கம் போல் எதிர்பார்ப்பை அதிகப்படுத்தும் அதே போல் பந்து வீச்சில் சாஹல், நவ்தீப் சைனி, வாஷிங்டன் சுந்தர், கிறிஸ் மோரிஸ் ஆகியோர் பலம் சேர்ப்பார்கள்.மேலும் நடப்பாண்டு வெற்றி கணக்குடன் தொடங்கும் முனைப்பில் வியூகங்களை தீட்டியுள்ளது.
இதே போல் வார்னர் தலைமையிலான ஐதராபாத் அணியும் பலம் வாய்ந்த அணிகளில் ஒன்றாக திகழ்கிறது. கடந்த ஆண்டு பெங்களூருக்கு எதிராக முதல் விக்கெட்டுக்கு 185 ரன்கள் குவித்து சாதனை படைத்தது.அந்த அணியில் வார்னரும், ஜானி பேர்ஸ்டோவும் அதே போன்ற சாதனையை மிரட்ட காத்திருக்கிறார்கள். உலகத்தரம் வாய்ந்த சுழற்பந்து வீச்சாளர்களான ரஷித்கான், முகமது நபி இருவரும் இறங்கும் பட்சத்தில் கேன் வில்லியம்சனுக்கு அணியில் இடம் கிடைக்காது. இதேபோல், அணியின் பந்து வீச்சாளர்கள் புவனேஷ்வர்குமார், மனிஷ் பாண்டே, சஹா, கலீல் அகமது என்று திறமையான வீரர்களுக்கும் பஞ்சமில்லை. எனவே இந்த ஆட்டத்தில் விறுவிறுப்புக்கு குறைவிருக்காது என எதிர்பார்க்கப்படுகிறது.
