Ruturaj Gaikwad: ஷிவம் துபேக்கு நம்பிக்கை மிக அதிகமாக உள்ளது. சொல்லப்போனால் அவர் எங்களுக்கு ஒரு பெரிய பிளஸ் என சிஎஸ்கே அணி கேப்டன் ருதுராஜ் கெய்க்வாட் கூறியுள்ளார்.
17ஆவது ஐபிஎல் தொடரின் 7ஆவது போட்டியில், டாஸ் வென்ற குஜராத் டைட்டன்ஸ் அணி பந்துவீச்சை தேர்வு செய்தது. இதையடுத்து முதலில் பேட்டிங் செய்த சிஎஸ்கே அணி 206 ரன்கள் எடுத்தது.
இதனையடுத்து, 207 ரன்கள் இலக்கை துரத்திய குஜராத் டைட்டன்ஸ் அணி, 20 ஓவர்கள் முடிவில் 8 விக்கெட்டுகள் இழப்பிற்கு 143 ரன்கள் மட்டுமே எடுத்து போராடி தோல்வியடைந்தது. சிஎஸ்கே அணி 63 ரன்கள் வித்தியாசத்தில் அபார வெற்றி பெற்றுள்ளது.
போட்டி முடிந்த பின், வெற்றி குறித்து சிஎஸ்கே அணி கேப்டன் ருதுராஜ் கெய்க்வாட் பேசுகையில், இன்றைய ஆட்டம் பேட்டிங், பந்துவீச்சு மற்றும் பீல்டிங் ஆகிய மூன்றும் சரியாக அமைந்தது. குஜராத் போன்ற ஒரு அணிக்கு எதிராக நாங்கள் இது போன்ற ஒரு ஆட்டத்தை வெளிப்படுத்தியே ஆக வேண்டும்.
முதலில் நாங்கள் பந்துவீச்சைப் பொருட்படுத்தாமல் நன்றாகச் செயல்பட்டோம். பவர்பிளேயில் ரச்சின் அற்புதமாக பேட்டிங் செய்து ஆட்டத்தை எடுத்துச் சென்றார் என்பதை தனிப்பட்ட முறையில் உணர்ந்தேன். ஷிவம் துபே அதிக நம்பிக்கை கொண்டவர், மேலும் அவரது நம்பிக்கை மிக அதிகமாக உள்ளது. சொல்லப்போனால் அவர் எங்களுக்கு ஒரு பெரிய பிளஸ் என்று சிஎஸ்கே அணி கேப்டன் ருதுராஜ் கெய்க்வாட் போட்டி முடிந்த பின் கூறியிருந்தார்.
தனிப்பட்ட முறையில் பீல்டிங்கிலும் மிகவும் மகிழ்ச்சியாக உள்ளது என கூறினார். நேற்றைய ஆட்டத்தில் 23 பந்துகளில் 51 ரன்கள் எடுத்த சிஎஸ்கே அணியின் நட்சத்திர வீரர் சிவம் துபேவுக்கு ஆட்டநாயகன் விருது வழங்கப்பட்டது குறிப்பிடதக்கது.
