மார்ச் 31இல் விக்ரம் திரைப்படமும், ஏப்ரல் 28இல் பொன்னியின் செல்வன் திரைப்படமும், இதற்கிடையில் ஏப்ரல் 14இல் பீஸ்ட் திரைப்படமும் வெளியாகவும் அதிக வாய்ப்புள்ளது என தகவல் வெளியாக உள்ளது.
2022 கோடை விடுமுறை குழந்தைகளுக்கு கொண்டாட்டாமோ இல்லையோ சினிமா ரசிகர்களுக்கு படையல் தான். அந்தளவுக்கு பெரிய பெரிய படங்கள் கோடை விடுமுறையை குறிவைத்து காத்திருக்கின்றன.
தளபதி விஜயின் பீஸ்ட் திரைப்படம் தற்போது விறுவிறுவென அடுத்தகட்ட ஷூட்டிங் நோக்கி நகர்ந்து கொண்டிருக்கிறது. விரைவில் பீஸ்ட் ஷூட்டிங் முடிந்து, வழக்கம் போல, ஏப்ரல் 14இல் தளபதி விஜய் படத்தை களமிறக்க படக்குழு முயற்சி செய்து வருகிறது.
லோகேஷ் கனகராஜ் இயக்கத்தில் உலகநாயகன் கமல்ஹாசன் நடித்து வரும் விக்ரம் திரைப்படமும் கோடை விடுமுறையை குறிவைத்துள்ளது. அதேபோல, மணிரத்னம் இயக்கத்தில் பிரமாண்ட திரைப்படமாக உருவாகி வரும் பொன்னியின் செல்வன் திரைப்படமும் கோடை விடுமுறையை குறிவைத்துள்ளது.
தற்போது வெளியான தகவலின் படி, மார்ச் 31இல் விக்ரம் திரைப்படமும், ஏப்ரல் 28இல் பொன்னியின் செல்வன் திரைப்படமும் வெளியாக திட்டமிட்டுள்ளதாக தெரிகிறது. இதற்கிடையில் ஏப்ரல் 14இல் பீஸ்ட் திரைப்படம் வெளியாகும் என கூறப்படுகிறது.
