Simran : கிளாமர் என்பது தவறான விஷயம் இல்லை என நடிகை சிம்ரன் கூறியுள்ளார்.
சினிமாத்துறையில் பொதுவாகவே ஒரு சில நடிகைகள் கிளாமராக நடித்தாலே அந்த நடிகைகளை விமர்சிப்பது என்பது சாதாரணமான விஷயமாகிவிட்டது என்றே சொல்லலாம். பல நடிகைகளும் கிளாமர் என்பது தவறான விஷயம் இல்லை படத்திற்காக அந்த மாதிரி நடிக்கிறோம். அதுவும் ஒரு வகையான அழகு தான் என்று கூறுவது உண்டு. அப்படி தான் நடிகை சிம்ரன் கூட ஆரம்ப காலத்தில் ஒரு பேட்டியில் கூறியுள்ளார்.
அந்த பேட்டியில் பேசிய சிம்ரன்” நான் ஜோடி படத்தில் கிளாமரான கதாபாத்திரத்தில் நடித்திருந்தேன். அந்த படத்தின் அடுத்த இரண்டாவது பாதியில் கதாபாத்திரத்திற்கு அதாவது நடிப்பை வெளிப்படுத்தும் கதாபாத்திரமாக நடித்து இருப்பேன். இந்த படத்திற்கு பிறகு நான் வேண்டும் என்றே கிளாமரான கதாபாத்திரங்களில் நடிக்காமல் இல்லை. எனக்கு வாய்ப்பு வரவில்லை எனவே நடிக்கவில்லை.
கிளாமர் ஒன்னும் தவறான விஷயம் இல்லை அது ஒன்னும் வல்கர் இல்லை. அதுவும் ஒரு வகையான அழகு தான். எனவே, இரண்டையும் சேர்த்து பேசவேண்டாம். வல்கர் என்பது வேற கிளாமர் என்பது வேற. வல்கர் என்றால் மோசம் கிளாமர் என்றால் அழகு. எனக்கு சேலை கட்ட ரொம்பவே பிடிக்கும். என்னை கிளாமராக பார்க்க பிடிக்கவில்லை என்றால் வாலி படம் பாருங்கள், துள்ளாத மனமும் துள்ளும் பாருங்க.
இந்த படங்களில் நடித்த கதாபாத்திரங்கள் எல்லாமே எனக்கு மிகவும் பிடித்த கதாபாத்திரம்” எனவும் நடிகை சிம்ரன் கூறியுள்ளார். ஒரு காலத்தில் முன்னணி நடிகையாக கலக்கி கொண்டு இருந்த நடிகை சிம்ரன் இப்போது பட வாய்ப்புகள் இல்லாமல் இருக்கிறார். கடைசியாக ஹீரோயினாக ரஜினிகாந்திற்கு ஜோடியாக பேட்ட திரைப்படத்தில் நடித்து இருந்தார் என்பது குறிப்பிடத்தக்கது.
