தருமபுரம் ஆதீன பட்டினப்பிரவேசம் குறித்து முதலமைச்சர் நல்ல முடிவை எடுப்பார் என அமைச்சர் சேகர்பாபு தகவல்.
சென்னையில் செய்தியாளர் சந்திப்பில் பேசிய இந்து சமய அறநிலையத்துறை அமைச்சர் சேகர் பாபு, தருமபுரம் ஆதீனத்தில் பட்டினப்பிரவேசம் நிகழ்ச்சி குறித்து முதலமைச்சர் விரைவில் சுமுகமான ஒரு நல்ல முடிவை எடுப்பார். அனைத்து மனமும் ஒருங்கிணைந்து செயல்படும் வகையில் நடவடிக்கை எடுப்பார். ஆதிக்கர், நாத்திகர் என அனைவரது மனமும் குளிரும் வகையில் நல்ல முடிவு எடுக்கப்படும். யாரும் பல்லக்கு தூக்கக் கூடாது, நியாயத்திற்குத்தான் பல்லக்கு தூக்க வேண்டும் என்றும் தெரிவித்தார்.
செய்தி வர வேண்டும் என்பதற்காக சிலர் என்ன வேண்டுமானாலும் பேசலாம் என பேசுகின்றனர். எனவே, எவ்வித பிரச்சனையின்றி பட்டினப்பிரவேசம் நடத்தும் வழிவகை குறித்து பேசி வருகிறோம் என தெரிவித்தார். இதனைத்தொடர்ந்து பேசிய அமைச்சர், அண்ணா காலத்தில் இருந்தே தீபாவளிக்கு வாழ்த்து சொல்லவில்லை, வாழ்த்து சொல்வது அவரவர் விருப்பம் என தீபாவளிக்கு வாழ்த்து தெரிவிப்பது இல்லை என்ற குற்றசாட்டு குறித்து பதிலளித்தார்.
