மந்தைவெளி பறக்கும் ரயில் நிலையத்தில் வேலைசெய்து வந்த 5 காவலர்களுக்கு கொரோனா பாதிப்பு உறுதி செய்யப்பட்டதால் மந்தைவெளி ரயில் நிலையம் மூடப்பட்டது.
நாடு முழுவதும் கொரோனா பரவுதலை கட்டுப்படுத்த ஊரடங்கு பிறப்பிக்கப்பட்டதால் பயணிகள் ரயில் நிறுத்தி வைக்கப்பட்டு உள்ளன. சென்னையில் கடற்கரையில் இருந்து வேளச்சேரி வரை செல்லும் பறக்கும் ரயில் திட்டத்தின் கீழ் ரயில்கள் இயங்கி வருகிறது.
இந்நிலையில், மந்தைவெளி பறக்கும் ரயில் நிலையத்தில், வேலைசெய்து வந்த 5 காவலர்களுக்கு கொரோனா பாதிப்பு உறுதி செய்யப்பட்டு உள்ளது. இதனையடுத்து அந்த 5 பேரும் சென்னை அரசு மருத்துவமனையில் அனுமதிக்கப்பட்டு உள்ளனர். இதனால், மந்தைவெளி பறக்கும் ரயில் நிலையம் மூடப்பட்டது. மேலும், கட்டுப்படுத்தப்பட்ட பகுதியாகவும் அறிவிக்கப்பட்டு உள்ளது.
