மத்திய அரசிற்கு ஜிஎஸ்டி வரி பற்றி பரிந்துரை செய்வதற்காக மத்திய மாநில வருமான வரித்துறை அதிகாரிகள் சிலர் ஒன்றிணைந்து ஜிஎஸ்டி வரி பரிந்துரைக் குழுவாக ஃபிட்மென்ட் (fitment panel ) செயல்பட்டு வருகிறது. இது ஜிஎஸ்டி கவுன்சிலுக்கு ஜி.எஸ்.டி வரி விதிப்பு பற்றிய ஆலோசனைகளை வழங்கி வருகிறது.
இந்தக் குழுவானது அண்மையில் கார்களுக்கு விதிக்கப்படும் ஜிஎஸ்டி குறித்து ஜிஎஸ்டி கவுன்சிலுக்கு பரிந்துரை செய்துள்ளது. அந்த பரிந்துரையில் கார்களுக்கு தற்போது விதிக்கப்பட்டு வரும் 28 சதவீத வரியை 18 சதவீதமாக குறைக்க சொல்லும் பரிந்துரையை ஏற்க வேண்டாம். அப்படி வரியை குறைத்தால், அரசிற்கு வருவாய் வெகுவாக பாதிக்கப்படும் என குறிப்பிடப்பட்டிருந்தது.
இதற்கு முன்னர் பொருளாதார மந்தநிலை காரணமாக கார்களின் விற்பனை மிகவும் பாதிப்படைந்துள்ளது என்பதனால் ஜிஎஸ்டி வரியை 28 சதவீதத்தில் இருந்து 18 சதவீதமாக குறைக்க கார் நிறுவனங்கள் மத்திய அரசிற்கு பரிந்துரை செய்து இருந்தன.
தற்போது அந்த பரிந்துரைக்கு எதிராக ஜிஎஸ்டி பரிந்துரை குழுவான ஃபேட்மென்ட் குழு, மத்திய அரசுக்கு ஆலோசனை வழங்கியுள்ளது. இந்நிலையில் ஜிஎஸ்டி கவுன்சில் கூட்டமானது மத்திய நிதி அமைச்சர் நிர்மலா சீதாராமன் உடன் நாளை கோவாவில் நடைபெற உள்ளது. இந்த கூட்டத்தில் ஜிஎஸ்டி பற்றி விவாதிக்க உள்ளதாக தெரிவிக்கப்பட்டது.
