Categories
Tamilnadu Top stories

தமிழகத்துக்கான வரி பங்கில் 4,758 கோடி ரூபாயை விடுவித்தது மத்திய அரசு.!

தமிழகத்திற்கு வழங்க வேண்டிய வரிப்பணத்தில் 4,758 கோடி பங்கு நிதியை தற்போது மத்திய அரசு விடுவித்துள்ளது. 

ஜி.எஸ்.டி வரி பங்கீட்டில் , அந்தந்த மாநிலங்களுக்கு, மத்திய அரசு அதன் வரி பங்கு தொகையினை மாதந்தோறும் விடுவிப்பது வழக்கம்.

அந்த வகையில், மாதந்தோறும், 58,332 கோடி ரூபாய் பங்கு தொகையாக மாநிலங்களுக்கு விடுவிக்கப்படும். அந்த வகையில் கடந்த 2 தவணை பங்காக,  1.16 லட்சம் கோடியை மாநிலங்களுக்கு மத்திய அரசு விடுத்துள்ளது.

இதில்,  தமிழகத்திற்கு வழங்க வேண்டிய வரிப்பணத்தில் 4,758 கோடி பங்கு நிதியை தற்போது மத்திய அரசு விடுவித்து உத்தரவு பிறப்பித்துள்ளது.

Categories
Finance India Travel

பயணிகளின் கவனத்திற்கு! ஹோட்டல், ரயில் முன்பதிவு ரத்து கட்டணத்திற்கு இனி ஜிஎஸ்டி!!

நீங்கள் சமீபத்தில் ஏதேனும் ஹோட்டல் அறை, ரயில் டிக்கெட் அல்லது பொழுதுபோக்கு நிகழ்ச்சியை முன்பதிவு செய்து, இப்போது அதை ரத்து செய்து பணத்தைத் திரும்பப் பெற திட்டமிட்டுள்ளீர்களா? இதோ உங்களுக்காக ஒரு செய்தி. ரத்து செய்வது சேவைகளுடன் தொடர்புடையது என்பதால், ரத்து கட்டணம் இனி ஜிஎஸ்டியை ஈர்க்கும் என்று நிதி அமைச்சகம் தெரிவித்துள்ளது. நிதி அமைச்சகத்தின் வரி ஆராய்ச்சி பிரிவு பல விதிகளை விளக்கும் 3 சுற்றறிக்கைகளை வெளியிட்டுள்ளது.  அவற்றில் ஒன்று ரத்து கட்டணம் மற்றும் ஜிஎஸ்டி தொடர்பானது.

பொழுதுபோக்கு நிகழ்ச்சிகள், ரயில் டிக்கெட்டுகள் மற்றும் ஹோட்டல்களில் முன்பதிவுகளை ரத்து செய்தல்:

முன்பதிவு ஒரு ஒப்பந்தமாகக் கருதப்படுகிறது, இதில் சேவை வழங்குநர் ஒரு சேவையை வழங்குவதாக உறுதியளிக்கிறார். ஒரு வாடிக்கையாளர் ஒப்பந்தத்தை மீறும் போது அல்லது முன்பதிவை ரத்து செய்யும் போது, ​​சேவை வழங்குநர் ஒரு குறிப்பிட்ட தொகையை ரத்து கட்டணமாக பெறுவார். ரத்து கட்டணம் என்பது ஒப்பந்த மீறலுக்குப் பதிலாக செலுத்தப்படுவதால், அதற்கு ஜிஎஸ்டி விதிக்கப்படும்.

மதத் தொண்டு அறக்கட்டளையால் நிர்வகிக்கப்படும் ‘விடுதிகள்’களின் அறை வாடகை மீதான ஜிஎஸ்டி?

மத்திய மறைமுக வரிகள் மற்றும் சுங்க வாரியம் (CBIC), மத மற்றும் தொண்டு நிறுவனங்களால் நிர்வகிக்கப்படும் விடுதிகள் வசூலிக்கும் அறை வாடகைக்கு ஜிஎஸ்டி பொருந்தாது என்று தெளிவுபடுத்தியுள்ளது. அறை வாடகை மீதான ஜிஎஸ்டி மீதான குழப்பத்திற்குப் பிறகு சிபிஐசி இதை தெளிவுபடுத்தியது. ஒரு நாளைக்கு 1000 ரூபாய்க்கு குறைவான அனைத்து ஹோட்டல் அறை முன்பதிவுகளுக்கும் 12 சதவீத ஜிஎஸ்டி விதிக்கப்படும் என்று ஜூன் மாதத்தில் ஜிஎஸ்டி கவுன்சில் முடிவு செய்தது.

கர்பா மீதான ஜிஎஸ்டி?

கர்பா நிகழ்வுகளின் நுழைவுக் கட்டணத்தில் ஜிஎஸ்டி விதிக்கப்படும் என்றும் உறுதிப்படுத்தப்படாத தகவல்கள் உள்ளன. ஒரு தலைக்கு ரூ. 500க்கு மேல் உள்ள வணிக நிகழ்வுகளின் நுழைவுச் சீட்டுகளுக்கு ஜிஎஸ்டி வரி விதிக்கப்படுகிறது. இந்தியாவின் பல பகுதிகளில் உள்ள நிகழ்ச்சி ஏற்பாட்டாளர்கள் கர்பா நுழைவுக் கட்டணத்தின் மீதான இந்த 18% ஜிஎஸ்டியை திரும்பப் பெற வேண்டும் என்று கோருகின்றனர்.

 

Categories
Politics Tamilnadu

ஆவின் பொருட்களின் மீதான GST-யை தடுக்கவும் – ஓபிஎஸ்

ஆவின் பொருட்களின் மீதான GST-யை தடுக்க தமிழக அரசு நடவடிக்கை எடுக்க வேண்டும் என ஓபிஎஸ் அறிக்கை. 

தரமான மற்றும் சரியான ஆவின் பால் பாக்கெட்டுகளை பொதுமக்களுக்கு விற்பனை செய்வதில், தனிக்கவனம் செலுத்தி “ஆவின் பொருட்களின் மீதான GST-யை தடுக்கவும்” GST விதிப்பிற்கு மேல் விலை உயர்த்தப்படுவதை ரத்து செய்யவும் உரிய நடவடிக்கைகளை தமிழக அரசு எடுக்க வேண்டும் என ஓபிஎஸ் அறிக்கை வெளியிட்டுள்ளார்.

அந்த அறிக்கையில், கடந்த சில நாட்களாகவே ஆவின் பால் அளவு குறைவாக இருக்கின்றது என்று மக்கள் சொல்லிக் கொண்டிருந்த வேளையில், அதனை நிரூபிக்கும் விதமாக அரை லிட்டர் பாலுக்குப் பதிலாக 430 கிராம் மட்டுமே இருப்பது தற்போது கண்டறியப்பட்டுள்ளதாக வந்துள்ள செய்தி பொது மக்களிடையே அதிர்ச்சியை ஏற்படுத்தியுள்ளது.

அதாவது 500 மி.லி. பால் பாக்கெட்டின் அளவை கிராமில் கணக்கிடும்போது 517 கிராம் இருக்க வேண்டுமென்றும், பால் பாக்கெட் இரண்டு கிராம் இருக்க வேண்டும் என்றும், எந்தவிதத்தில் பார்த்தாலும் / லிட்டர் பாலின் எடை 515 கிராம் இருக்க வேண்டுமென்றும், ஆனால் விற்பனைக்கு வந்த % லிட்டர் பால் பாக்கெட்டின் எடை 430 கிராம் மட்டுமே இருந்ததாகவும் செய்திகள் வந்துள்ளன. இது கடும் கண்டனத்திற்கு உரியது.

விலை உயர்வில் கூட ஒரு வெளிப்படையற்ற தன்மை பின்பற்றப்படவில்லை. ஜி.எஸ்.டி. வரி விதிப்பிற்கும் மேலாக ஆவின் பொருட்களின் விலையை அரசு உயர்த்தியிருப்பது ஏற்றுக் கொள்ளத்தக்கதல்ல. எத்தனை சதவிகிதம் வரி உயர்த்தப்பட்டு இருக்கிறது என்பதில் கூட ஒரு தெளிவற்ற நிலைமை காணப்படுகிறது. இதுவும் மக்களை ஏமாற்றும் ஒரு செயல்.

 எனவே, மாண்புமிகு தமிழ்நாடு முதலமைச்சர் அவர்கள் இதில் உடனடியாகத் தனிக் கவனம் செலுத்தி, குறைவான எடையில் பால் விற்பனை செய்யப்படுவதைத் தடுக்கவும், ஏழை மக்கள் வாங்கும் ஆவின் பொருட்களின்மீது ஜி.எஸ்.டி. விதிப்பதை தடுத்து நிறுத்தவும், ஜி.எஸ்.டி. விதிப்பிற்கு மேல் ஆவின் பொருட்கள் விலை உயர்த்தப்பட்டதை ரத்து செய்யவும் நடவடிக்கை எடுக்க வேண்டுமென்று அனைத்திந்திய அண்ணா திராவிட முன்னேற்றக் கழகத்தின் சார்பில் வலியுறுத்திக் கேட்டுக் கொள்கிறேன்.’ என தெரிவித்துள்ளார்.

Categories
India Top stories

ஜூலையில் ஜிஎஸ்டி வசூல் ரூ.1.49 லட்சம் கோடி.. – நிதியமைச்சகம்

ஜூலையில் ரூ.1,48,995 கோடி மொத்த ஜிஎஸ்டி வரி வசூலிக்கப்பட்டது என்று மத்திய நிதியமைச்சகம் தகவல்.

நாட்டில் ஜூலை மாதத்தில் ஜிஎஸ்டி வரி வசூல் சுமார் ரூ.1.49 லட்சம் கோடி வசூலிக்கப்பட்டுள்ளது என்று மத்திய நிதியமைச்சகம் தெரிவித்துள்ளது. இது ஜிஎஸ்டி அறிமுகப்படுத்தப்பட்டதில் இருந்து ப்போதும் இல்லாத அளவுக்கு வசூலிக்கப்பட்ட இரண்டாவது அதிகபட்ச வருவாய் என்றும் மத்திய அரசு கூறியுள்ளது.

கடந்த ஆண்டு இதே மாத ஜிஎஸ்டி வருவாயை விட ஜூலை மாத வருவாய் 28% அதிகம். இதுவரை பதிவு செய்யப்படாத ஜிஎஸ்டி வசூல் ஏப்ரல் 2022 இல் ரூ.1.68 லட்சம் கோடியாக இருந்தது. பொருளாதாரம் மீண்டு வரும் நிலையில், 5 மாதங்களாக ஜிஎஸ்டி வரி வசூல் ரூ.1.4 லட்சம் கோடியை கடந்துள்ளது. ஜூலை மாதத்தில் தமிழகத்திற்கான ஜிஎஸ்டி வசூல் ரூ.8,449 கோடியாக உள்ளது என்றும் நிதியமைச்சகம் கூறியுள்ளது.