தளபதி விஜய் நடிப்பில் வெளியான சர்கார் திரைப்படம் தமிழகம் முழுவதும் அரசியலில் அதிர்வலையை ஏற்படுத்தியுள்ளது. இதனை இயக்குனர் ஏ.ஆர்.முருகதாஸ் இயக்கியிருந்தார். இப்படத்தில் கீர்த்தி சுரேஷ் நாயகியாக நடித்திருந்தார். வரலட்சுமி சரத்குமார் வில்லியாக நடித்திருந்தார்.
இப்படத்தில் இடம் பெற்ற சில காட்சிகள், கதாபாத்ததிரத்தின் பெயர் என அதிமுகவை விமர்சிக்கும் வகையில் இருந்ததாக கூறி, அதிமுகவினர் ஆர்பாட்டத்தில் ஈடுபட்டதை தொடர்ந்து அந்த பெயர் மீயூட் செய்யப்பட்டு, சர்ச்சை காட்சிகளும் நீக்கப்பட்டன.
இந்நிலையில், நேற்று இப்படத்தின் சக்ஸஸ் மீட் கொண்டாடப்பட்டது. இதில் இலவசமாக கொடுக்கப்பட்ட மிக்ஸி, கிரைண்டர்களின் சிறிய தோற்றத்தில் கேக் செய்யப்பட்டு வெட்டப்பட்டது. அதனை தனது டிவிட்டர் பக்கத்தில் பகிர்ந்த நடிகை வரலக்ஷ்மி சரத்குமார். கூடவே படத்தில் மியூட் செய்யப்பட்ட தனது கதாபாத்திரத்தின் பெயரான கோமளவல்லி எனும் பெயரையும் குறிப்பிட்டு பதிவிட்டிருந்தார். (ஜெயலலிதாவின் இன்னொரு பெயர் கோமளவல்லி என் கூறி தான் பெயர் மியூட் செய்யப்பட்டது)
source : tamil.CINEBAR.IN
https://twitter.com/varusarath/status/1061871946260865024?s=19
