ஆஸ்திரேலியாவுக்கு எதிரான முதல் டி20 போட்டி நடைபெற்று வருகிறது. இன்றைய போட்டிதான் தமிழக வீரர் நடராஜனின் முதல் சர்வதேச டி20 போட்டியாகும். இப்போட்டியில் நடராஜன் 11-வது ஓவரை வீசிய ஆஸ்திரேலியா அதிரடி பேட்ஸ்மேன் மேக்ஸ்வெல்லின் விக்கெட்டை எடுத்தார். இதனால், நடராஜன் தனது முதல் டி20 விக்கெட்டை வீழ்த்தியுள்ளார்.
மேலும், நடராஜன் 15-வது ஓவரில் கடைசி பந்தில் ஆர்சி ஷார்ட் விக்கெட்டை பறித்தார். இந்நிலையில், இன்றைய போட்டியில் நடராஜன் 3 ஓவர் வீசி 22 ரன்கள் கொடுத்து 2 விக்கெட்டை பறித்துள்ளார்.
கடந்த 02-ஆம் தேதி கடைசி ஒருநாள் போட்டி நடைபெற்றது. அந்த போட்டியில் தான் நடராஜன் முதல் சர்வேதேச போட்டியில் அறிமுகமானார். அந்த போட்டியில் தனது முதல் விக்கெட்டாக மார்னஸ் மற்றும் இரண்டாவது விக்கெட்டாக ஆஷ்டன் விக்கெட்டை பறித்தார் என்பது குறிப்பிடத்தக்கது.
