இயக்குனர் வெங்கட் பிரபு இயக்கத்தில் நடிகர் விஜய் நடித்து வரும் திரைப்படம் தான் தி கோட். இந்த திரைப்படத்தில் பிரசாந்த், யோகி பாபு, ஜெயராம், பார்வதி நாயர், மீனாட்சி சவுத்ரி, லைலா, சினேகா, பிரபுதேவா உள்ளிட்ட பல பிரபலங்கள் முக்கியமான கதாபாத்திரங்களில் நடித்து வருகிறார்.
இந்த திரைப்படத்தினை பிரபல தயாரிப்பு நிறுவனமான ஏஜிஎஸ் என்டர்டைன்மெண்ட் நிறுவனம் தயாரிக்கிறது. படத்திற்கு இசையமைப்பாளர் யுவன் சங்கர் ராஜா இசையமைத்து வருகிறார். இந்த திரைப்படத்திற்கான படப்பிடிப்பு மும்மரமாக நடைபெற்று வருகிறது.
விடாமுயற்சி படத்திலிருந்து வந்த முதல் அதிகாரப்பூர்வ அப்டேட்!
இந்நிலையில், ‘தி கோட்’ படத்தின் திரையரங்கிற்கு பிறகு வெளியாகும் ஓடிடி உரிமையை பிரபல ஓடிடி நிறுவனமான நெட்பிளிக்ஸ் நிறுவனம் வாங்கி இருந்ததாக முன்னதாகவே தகவல்கள் வெளியாகி இருந்தது. ஆனால், தற்போது தி கோட் படத்தினை நெட்பிளிக்ஸ் நிறுவனம் வாங்கவில்லையாம்.
முதலில் படத்தின் ஓடிடி உரிமையின் விற்பனை விவரம் குறித்து தயாரிப்பு நிறுவனமும் நெட்பிளிக்ஸ் நிறுவனமும் பேச்சுவார்த்தை நடத்தி வந்துள்ளதாம். ஆனால், தயாரிப்பு நிறுவனம் நெட்பிளிக்ஸ் நிறுவனம் கேட்ட தொகையை விட அதிக தொகை கேட்டதாம். இதனால் படமே வேண்டாம் என்று நெட்பிளிக்ஸ் நிறுவனம் தெறித்து ஓடிவிட்டதாம்.
சமீபத்தில் கூட நெட்பிளிக்ஸ் நிறுவனம் தங்களுடைய நிறுவனங்கள் வாங்கி இருக்கும் இந்த ஆண்டுக்கான படங்கள் குறித்த அறிவிப்பை வெளியீட்டு இருந்தது. அதில் பல படங்கள் இடம்பெற்று இருந்தது. தி கோட் படம் பெயர் வரவில்லை. எனவே, தொகை அதிகமாக கேட்ட காரணத்தால் தான் நெட்பிளிக்ஸ் நிறுவனம் தி கோட் படத்தை வாங்கவில்லை எனவும் தகவல்கள் வெளியாகியுள்ளது.
