மும்பையை வீழ்த்தி புள்ளி பட்டியலில் முன்னேறிய பஞ்சாப்..!

பஞ்சாப் அணி 17.4 ஓவர் முடிவில் 1 விக்கெட்டை இழந்து 132 ரன்கள் எடுத்து 9 விக்கெட் வித்தியாசத்தில் வெற்றி பெற்றது.

இன்று ஐபிஎல் தொடரின் 17 வது லீக் போட்டியில் நடைபெறுகிறது. இந்த போட்டியில் மும்பை அணியும், பஞ்சாப் அணியும் சென்னை சேப்பாக் மைதானத்தில் மோதியது. டாஸ் வென்ற பஞ்சாப் அணி பந்துவீச்சை தேர்வு செய்தனர்.

இதைத்தொடர்ந்து, முதலில் இறங்கிய மும்பை அணி தொடக்கமே சிறப்பாக அமையவில்லை இதனால், மும்பை அணி 20 ஓவர் முடிவில் 6 விக்கெட்டுகளை இழந்து 131 ரன்கள் எடுத்தனர். மும்பை அணியில்  அதிகபட்சமாக ரோகித் சர்மா 63, சூர்யகுமார் யாதவ் 33 ரன்கள் எடுத்தனர். 132 ரன்கள் இலக்குடன் பஞ்சாப் அணி களமிறங்கியது.

பஞ்சாப் அணியில் கே.எல்.ராகுல், மயங்க் அகர்வால் இருவரும் களமிறங்கினர். ஆட்டம் தொடக்கத்திலே இருந்து அதிரடியாக விளையாடினர். சிறப்பாக விளையாடிய மயங்க் அகர்வால் 4 பவுண்டரி , 1 சிக்ஸர் விளாசி 25  ரன்னில் வெளியேறினார். இவர்கள் கூட்டணியில் 53 ரன்கள் எடுக்கப்பட்டது. அடுத்து இறங்கிய கிறிஸ் கெய்ல்,  கே.எல்.ராகுல் உடன் சேர்ந்து நிதானமாக ரன்கள் சேர்த்தனர்.

இறுதியாக பஞ்சாப் அணி 17.4 ஓவர் முடிவில் 1 விக்கெட்டை இழந்து 132 ரன்கள் எடுத்து 9 விக்கெட் வித்தியாசத்தில் வெற்றி பெற்றது. அதிரடியாக விளையாடிய கே.எல்.ராகுல் அரைசதம் விளாசி கடைசிவரை களத்தில் 60* , கிறிஸ் கெய்ல் 43* ரன்களுடன் நின்றனர்.

பஞ்சாப் அணி இதுவரை விளையாடிய 5 போட்டிகளில் 2 போட்டியில் வெற்றியும், 3 போட்டியில் தோல்வியைத் தழுவியுள்ளது. மும்பை அணி 5 போட்டிகளில் விளையாடி 3 போட்டியில் தோல்வியும் ,2 போட்டியில் வெற்றியும் பெற்றுள்ளது.

தடுமாறிய மும்பை..! பஞ்சாபிற்கு 132 ரன் இலக்கு..!

மும்பை அணி 20 ஓவர் முடிவில் 6 விக்கெட்டுகளை இழந்து 131 ரன்கள் எடுத்தனர்.

இன்று ஐபிஎல் தொடரின் 17 வது லீக் போட்டியில்   நடைபெறுகிறது. இந்த போட்டியில் மும்பை அணியும், பஞ்சாப் அணியும் சென்னை சேப்பாக் மைதானத்தில் மோதி வருகிறது. டாஸ் வென்ற பஞ்சாப் அணி பந்துவீச்சை தேர்வு செய்தனர்.

இதைத்தொடர்ந்து,மும்பை அணியில் தொடக்க வீரராக குயின்டன் டி கோக் , ரோஹித் சர்மா இருவரும் களமிறங்கினார். ஆனால் ஆட்டம் தொடக்கத்திலேயே குயின்டன் டி கோக் 3  ரன் எடுத்து விக்கெட்டை பறிகொடுத்தார். இதைத் தொடர்ந்து களமிறங்கிய இஷான் கிஷன் 6 ரன்களில் வெளியேற மும்பை அணி 26 அணி 2 விக்கெட்டை பறிகொடுத்து இருந்தது. இதைத்தொடர்ந்து களமிறங்கிய  பின்னர் சூர்யகுமார் யாதவ், ரோஹித் சர்மா உடன் கூட்டணி அமைத்து அணியின் எண்ணிக்கையை சற்று உயர்த்தினர்.

அதிரடியாக விளையாடி வந்த ரோகித் சர்மா அரைசதம் விளாசினார். சிறப்பாக ஆடிய சூர்யகுமார் யாதவ் 33 ரன்னில் தனது விக்கெட்டை பறிகொடுத்தார். அடுத்த சில நிமிடங்களில் ரோகித் சர்மா 63 தனது விக்கெட்டை இழந்து பெவிலியன் திரும்பினார். பின்னர் களமிறங்கிய ஹார்திக் பாண்டியா 1,  க்ருனல் பாண்டியா 3 ரன்கள் எடுத்து வெளியேறினர்.

இறுதியாக மும்பை அணி 20 ஓவர் முடிவில் 6 விக்கெட்டுகளை இழந்து 131 ரன்கள் எடுத்தனர். 132 ரன்கள் இலக்குடன் பஞ்சாப் அணி களமிறங்கவுள்ளது.