டி-20 உலகக்கோப்பையில் ஜிம்பாப்வே-நெதர்லாந்து போட்டியில் ஜிம்பாப்வே அணி 117ரன்கள் குவித்துள்ளது.
ஐசிசி டி-20 உலகக்கோப்பை தொடரின் சூப்பர்-12 ஆட்டத்தில் ஜிம்பாப்வே மற்றும் நெதர்லாந்து அணிகள் விளையாடி வருகிறது. இதில் டாஸ் வென்ற ஜிம்பாப்வே அணி முதலில் பேட்டிங் செய்தது.
இதன்படி களமிறங்கிய ஜிம்பாப்வே அணியில் சிக்கந்தர் ராசா மற்றும் சான் வில்லியம்ஸ் தவிர மற்ற வீரர்கள் எவரும் நிலைத்து ஆடவில்லை. சிக்கந்தர் ராசா 3 பௌண்டரி மற்றும் 3 சிக்ஸரகளுடன் 40 ரன்களும், சான் வில்லியம்ஸ் 28 ரன்களும் எடுத்தனர்.
ஜிம்பாப்வே அணி 20 ஓவர்கள் முடிவில் அனைத்து விக்கெட்களையும் இழந்து 117 ரன்கள் குவித்துள்ளது. நெதர்லாந்து அணி தரப்பில் பால் மீகெரென் 3 விக்கெட்களும், பிராண்டன் க்ளோவர், லோகன் வான் பீக் மற்றும் பாஸ் டி லீட் தலா 2 விக்கெட்களும் வீழ்த்தினர்.
