நடிகர் சூர்யா நடிப்பில் வெளியான சூரரைப்போற்று திரைப்படம் IMDB தரவரிசையில் உலக அளவில் மூன்றாம் இடம் பிடித்துள்ளது.
இயக்குனர் சுதா கொங்கரா இயக்கத்தில் நடிகர் சூர்யா நடிப்பில் கடந்த ஆண்டு அமேசான் பிரேமில் வெளியான திரைப்படம் சூரரைப்போற்று. ஏர் டெக்கான் நிறுவனர் ஜி.ஆர்.கோபிநாத்தின் வாழ்க்கையை மையமாக கொண்டு எடுக்கப்பட்ட இந்த திரைப்படம் ரசிகர்களுக்கு மத்தியில் பலத்த வரவேற்பை பெற்று பல விருதுகளை குவித்தது.
இந்த நிலையில் தற்போது திரைப்பட ரேட்டிங் தளமான ஐஎம்டிபி வெளியிட்ட உலகளவில் அதிக ரேட்டிங்பெற்ற 1000 திரைப்படங்களின் பட்டியலில் சூரரைப்போற்று 9.1 புள்ளிகளோடு 3வது இடத்தை பிடித்துள்ளது. மேலும் ஷஷாங் ரிடம்ப்ஷன்- 9.3 புள்ளிகளுடன் முதலிடத்தையும், காட்பாதர்- 9.2 புள்ளிகளுடன் இரண்டாம் இடத்தையும் பிடித்துள்ளது.
இந்த சூரரைப்போற்று படத்தில் சூர்யாவிற்கு ஜோடியாக அபர்ணா முரளி நடித்திருந்தார். படத்தை சூர்யாவின் 2D நிறுவனம் தயாரிக்க படத்திற்கு இசையமைப்பாளர் ஜிவி பிரகாஷ் இசையமைத்திருந்தார்.
