ஓயோ நிறுவனம் கொரோனா நோயாளிகள் மற்றும் பாதிப்படையாத சுகாதார பணியாளர்கள் தனிமைப்படுத்த OYO Care என்ற புதிய சேவையை தொடங்கியுள்ளது.
நாட்டில் வளர்ந்து வரும் கொரோனாபரவலை கருத்தில் கொண்டு, ஹோட்டல் சேவை நிறுவனமான OYO, OYO Care என்ற புதிய சேவையை தொடங்கியுள்ளது. இதில் கொரோனா நோயாளிகள் மற்றும் பாதிப்படையாத சுகாதார பணியாளர்கள் தனிமைப்படுத்த ஓயோ நிறுவனம் அறைகள் வழங்குகிறது.
தனிப்படுத்த சரியான இடம் இல்லாததால் பல வீடுகளில் ஒரே அறை, ஒரே கழிவறை பயன்படுத்தும் நிலை ஏற்பட்டுள்ளது. இதனால், வீட்டில் உள்ள மற்ற நபர்கள் பாதிக்க வாய்ப்புள்ளது. இதனால், ஓயோ நிறுவனம் OYO Care என்ற புதிய சேவையை தொடங்கியுள்ளது.
இதுகுறித்து ஓயோ குழுமத்தின் நிறுவனர் மற்றும் தலைமை நிர்வாக அதிகாரி ரித்தீஷ் அகர்வால் தனது ட்விட்டரில் “நாங்கள் ஓயோ கேர் முயற்சியைத் தொடங்கினோம். ஓயோவின் இந்த பாதுகாப்பான வசதி சுகாதார ஊழியர்கள் மற்றும் நோயாளிகளின் குடும்பங்கள் மீதான சுமையை குறைக்கும்.
மேலும், தனிமைப்படுத்த தேவைப்படும் நபர்களுக்கு பாதுகாப்பான இடத்தை வழங்குவதன் மூலம் கொரோனா வைரஸ் பரவுவதை குறைக்க உதவும் என்றும் அவர் தெரிவித்தார். இதற்காக சுமார் 30 மருத்துவமனைகள், பல அரசு நிறுவனங்கள் மற்றும் தனியார் துறை நிறுவனங்களுடன் ஒப்பந்தம் செய்துள்ளதாக நிறுவனத்தின் அறிக்கை தெரிவித்துள்ளது.
