அடுத்த ஆண்டில் இருந்து டெல்லி மெட்ரோ ரயிலில் பயணம் செய்ய கிரடிட் கார்ட் அல்லது டெபிட் கார்டு ஏதாவது ஒன்றை பயன்படுத்த வேண்டும்.
வருகிற வருடத்தில் இருந்து டெல்லி மெட்ரோ ரயிலில் பயணம் செய்ய வேண்டுமானால், கிரெடிட் கார்ட் அல்லது டெபிட் கார்டு உள்ளிட்ட ஏதாவது ஒன்றை பயன்படுத்தி தான் பணப் பரிவர்த்தனைகள் செய்ய வேண்டும். கையிலிருந்து பணமாக கொடுத்து பயணம் செய்ய முடியாது. இதை அடுத்த ஆண்டு முதல் நடைமுறைப்படுத்த டெல்லி மெட்ரோ ரயில் கார்ப்பரேஷன் முடிவு செய்துள்ளது.
தற்போது பயன்படுத்தப்பட்டு வரும் கம்ப்யூட்டர் சாப்ட்வேரை மேம்படுத்த டெல்லி மெட்ரோ ரயில் கார்ப்பரேஷன் முடிவு செய்துள்ளதாம். தானியங்கி முறையில் கட்டணத்தை வசூலிக்கும் முறையை அமல்படுத்தி, டிஜிட்டல் பண பரிவர்த்தனை அதிகரிக்கும் நோக்கில் இது நடைமுறைப்படுத்தப்பட உள்ளதாம். இந்த நடைமுறை ஏற்கனவே கொச்சி மற்றும் நாகபுரி மெட்ரோ நிலையங்களில் செயல்படுத்தப்படுகிறது.
