ஐபிஎல் தொடரில் இன்று நடைபெற்ற ஹைதராபாத் அணிக்கு எதிரான போட்டியில் கொல்கத்தா அணி, 54 ரன்கள் வித்தியாசத்தில் வெற்றிபெற்று, பிளே ஆப்ஸ் வாய்ப்பை தக்கவைத்தது.
ஐபிஎல் தொடரில் இன்று நடைபெற்ற 61-வது போட்டியில் சன்ரைசர்ஸ் ஹைதராபாத் – கொல்கத்தா நைட் ரைடர்ஸ் அணிகள் மோதியது. புனேவில் உள்ள MCA மைதானத்தில் நடந்த இந்த போட்டியில் டாஸ் வென்ற கொல்கத்தா அணி பேட்டிங்கை தேர்வு செய்ய, 20 ஓவர்கள் முடிவில் 6 விக்கெட் இழப்பிற்கு 177 ரன்கள் அடித்தது. 178 ரன்கள் அடித்தால் வெற்றி என்ற இலக்குடன் ஹைதராபாத் அணியின் தொடக்க ஆட்டக்காரர்களாக அபிஷேக் சர்மா – கேன் வில்லியம்சன் களமிறங்கினார்கள்.
இதில் 9 ரன்கள் எடுத்து கேன் வில்லியம்சன் தனது விக்கெட்டை இழக்க, அவரையடுத்து களமிறங்கிய ராகுல் திரிபாதி, 9 ரன்கள் எடுத்து வெளியேறினார். அவரையடுத்து ஐடென் மார்கம் களமிறங்க, சிறப்பாக ஆடிவந்த அபிஷேக் சர்மா, 43 ரன்கள் அடித்து வெளியேறினார். அவரையடுத்து களமிறங்கிய அனைவரும் சொற்ப ரன்களில் வெளியேற, இறுதியாக ஹைதராபாத் அணி 20 ஓவர்கள் முடிவில் 8 விக்கெட் இழப்பிற்கு 123 ரன்கள் எடுத்து 54 ரன்கள் வித்தியாசத்தில் தோல்வியை சந்தித்தது. மேலும் கொல்கத்தா அணி, பிளே ஆப்ஸ் வாய்ப்பை தக்கவைத்தது.
