பாஜக நிர்வாகிகள் நியமனத்தில் தமிழக பாஜக தலைவர் அண்ணாமலைக்கு மூத்த தலைவர்கள் முட்டுக்கட்டை எனும் தகவலை எச்.ராஜா மறுத்துள்ளார்.
பாஜக நிர்வாகிகளை நியமிப்பதில் தாமதம் ஏற்படுவதற்கு காரணம் மூத்த தலைவர்கள் தான் எனவும், அவர்களது முட்டுக்கட்டையால் தான் தமிழக பாஜக தலைவர் அண்ணாமலை நிர்வாகிகளை நியமிக்காமல் தயக்கம் காட்டி வருகிறார் எனவும் பேச்சு எழுந்து வருகிறது.
தற்பொழுதும் அண்ணாமலை டெல்லியில் இருப்பதாகவும், பொன் ராதாகிருஷ்ணன் மற்றும் எச்.ராஜா போன்ற பாஜக மூத்த தலைவர்களும் டெல்லியில் தான் உள்ளனர் எனவும் செய்தி தாள் ஒன்றில் தெரிவிக்கப்பட்டுள்ளதை குறிப்பிட்டுள்ள எச்.ராஜா, நான் யாருக்கும் முட்டுக்கட்டையல்ல, நான் மதுரையில் தான் மூன்று நாட்களாக இருக்கிறேன் எனவும் தனது ட்விட்டர் பக்கத்தில் பதிவிட்டுள்ளார். இதோ அந்த பதிவு,
நான் யாருக்கும் முட்டுக்கட்டையுமல்ல கடந்த 3 நாட்களாக டில்லியில் முகாமிடவும் இல்லை. கடந்த 3 நாட்களாக மதுரையில் ஆண்டு வங்கி ஆடிட்டிங்கிள் உள்ளேன். கர்மண்யேவ அதிகாரஸ்தே மா பலேஷு கதாசன: கடமையை செய் பலனை எதிர் பாராதே. கண்ணன் வாக்கு. pic.twitter.com/0PpaKmuQA0
— H Raja (@HRajaBJP) April 8, 2022
