நாகர்கோவில் ஆசாரிப்பள்ளம் அரசு மருத்துவமனையில் கொரோனாவிற்கு சிகிச்சை அளிக்க தனி வார்டு அமைக்கப்பட்டு உள்ளது.இந்த வார்டில் நேற்று ஒரே நாளில் 5 பேர் அனுமதிக்கப்பட்டன. அவர்களில் 8 மாத குழந்தை , இரண்டு ஆண்கள் , இரண்டு பெண்கள் ஆவர்.
கடந்து பத்து நாட்களுக்கு முன் 8 மாத குழந்தை தன் பெற்றோருடன் துபாயிலிருந்து குமரி மாவட்டத்திற்கு வந்துள்ளனர். குழந்தை உட்பட 5 பேரின் இரத்தம் மற்றும் சளி மாதிரியை பரிசோதனைக்காக திருநெல்வேலி அரசு மருத்துவக் கல்லூரிக்கு அனுப்பி வைக்கப்பட்டுள்ளது. இந்நிலையில் சிகிக்சை பெற்று வந்த இரண்டு பெண்களில் ஒருவர் நேற்று திடீரென இறந்தார். அவருக்கு வயது 59.
இது குறித்து மருத்துவர் கூறுகையில் , இறந்தவரின் சளி மாதிரியை பரிசோதனைக்கு அனுப்பிவைக்கப்பட்டுள்ளது. முடிவுகள் வந்த பின்னரே இவர் கொரோனா காரணமாக இறந்தாரா..? என்பது தெரியவரும் என கூறினார்
