நடிகர் தனுஷ் தமிழ் சினிமாவின் பிரபலமான நடிகர். இவர் நடிப்பில் சமீபத்தில் வெளியான மாரி-2 திரைப்படம் ரசிகர்கள் மத்தியில் நல்ல வரவேற்பை பெற்றது. இந்த படத்தின் மூலம் வெளியான ரவுடி பேபி பாடல் மக்கள் மத்தியில் பெருமளவில் வரவேற்பை பெற்றது.
இந்நிலையில், தற்போது இவர் இயக்குனர் வெற்றிமாறன் இயக்கத்தில், அசுரன் படத்தில் நடித்து வருகிறார். இப்படத்தில் இவருக்கு ஜோடியாக மஞ்சு வாரியார் நடித்துள்ளார். இப்படம் அக்டொபர் மாதம் வெளியாகவுள்ளதாக கூறப்படுகிறது.
இந்நிலையில், நடிகர் தனுஷ் இயக்கத்தில் 2017-ம் ஆண்டு வெளிவந்த பவர் பாண்டி திரைப்படம் வெற்றிகரமாக ஓடியது. இப்படத்தில் அவர் முக்கியமான கதாபாத்திரத்திலும் நடித்திருந்தார். இதனையடுத்து, இப்படத்தின் 2-ம் பாகத்தையும் நடிகர் தனுஷே இயக்கவுள்ளதாக தகவல்கள் வெளியாகியுள்ளது.
