தமிழ் சினிமாவில் முக்கியமான மற்றும் அனைவரும் எதிர்பார்க்கும் இயக்குனருமான தியாகராஜா குமாரராஜாவின் இயக்கத்தில் இரண்டாவதாக உருவாகியிருக்கும் படம் சூப்பர் டீலக்ஸ்.
இப்படத்தில் விஜய்சேதுபதி, சமந்தா, பகத் பாசில், ரம்யா கிருஷ்ணன், மற்றும் இயக்குநர் மிஷ்கின் உட்பட ஒரு நட்சத்திரப் பட்டாளமே நடித்துள்ளனர். தற்போது இப்படத்தின் இறுதி கட்ட பணிகள் விறுவிறுப்பாக நடைபெற்று வருகிறது. மேலும் இறுதி கட்ட பணிகள் முடிந்ததும் இப்படத்தை உலக திரைப்பட விழாக்களில் திரையிட படக்குழுவினர் திட்டமிட்டுள்ளனர். இப்படத்திற்கு யுவன் சங்கர் இசையமைத்துள்ளார். நீரவ் ஷா மற்றும் எஸ்.பி.வினோத் ஆகியோர் ஒளிப்பதிவு செய்துள்ளனர்.
இந்நிலையில் தற்போது சூப்பர் டீலக்ஸ் படத்தின் பர்ஸ்ட் லுக் வெளியாகி சமூகவலைத்தளங்களில் வரவேற்பைப் பெற்றுவருகிறது. விஜய் சேதுபதி, சமந்தா ஆகியோர் அவர்களுடைய ட்விட்டார் பக்கத்தில் பர்ஸ்ட் லுக் போஸ்டரை பதிவிட்டு மகிழ்ச்சி தெரிவித்துள்ளனர்.
DINASUVADU
