நடிகர் விஜய் தமிழ் சினிமாவின் பிரபலமான நடிகர். இவரது நடிப்பில் சமீபத்தில் வெளியான சர்கார் திரைப்படம் ரசிகர்கள் மத்தியில் நல்ல வரவேற்பை பெற்றது. மேலும் இவர் பல வெற்றி படங்களில் நடித்து, தமிழ் திரையுலகில் முன்னணி நடிகராக வலம் வருகிறார்.
இந்நிலையில் தற்போது இவர் இயக்குனர் அட்லீ இயக்கத்தில் பிகில் படத்தில் நடித்து வருகிறார். இப்படம் பெண்கள் கால்பந்து விளையாட்டை மையமாக கொண்டு எடுக்கப்பட்டுள்ளது. இதனையடுத்து கடந்த சில நாட்களுக்கு முன்பதாக இப்படத்தின் சிங்கப்பெண்ணே பாடல் வெளியாகி ரசிகர்கள் மத்தியில் நல்ல வரவேற்பை பெற்றுள்ளது.
இந்நிலையில், பிகில் படத்தின் இறுதிக்கட்ட படப்பிடிப்பு பணிகள் நடந்து வருவதாகவும், ஆகஸ்ட் 10-ம் தேதியுடன் இப்படத்தின் படப்பிடிப்பு பணிகள் நிறைவடையும் என்றும், இன்னும் சில தினங்களில், சூட்டிங் முடிந்து போஸ்டர் ப்ரொடக்சன் பணிகள் துவங்கவுள்ளதாக தகவல்கள் வெளியாகியுள்ளது.
