கஜா புயல் குறித்த ஆதாரமற்ற செய்திகளை நம்ப வேண்டாம் என்று அமைச்சர் உதயகுமார் தெரிவித்துள்ளார்.
இது தொடர்பாக அமைச்சர் உதயகுமார் கூறுகையில், கஜா புயல் குறித்த தகவல்களை அறிய 24 மணி நேரமும் கட்டுப்பாட்டு அறைகள் இயங்கும்.கஜா புயல் 3 முறை திசை மாறியிருக்கிறது, அதன் நிலையை தொடர்ந்து கண்காணித்து வருகிறோம்.புயல் காலங்களில் வாகனங்களில் வெளியே செல்வதை மக்கள் தவிர்க்க வேண்டும். தற்போது பாம்பன் – கடலூர் இடையே புயல் கரையை கடக்க வாய்ப்புள்ளது. 100 கி.மீ வேகத்தில் காற்று வீசும் என்பதால் மீனவர்கள் கடலுக்கு செல்ல வேண்டாம் என்று எச்சரிக்கை விடுத்துள்ளார்.
அதேபோல் மீட்பு பணிகளுக்காக 8 தேசிய பேரிடர் மீட்பு குழு, 4 மாநில பேரிடர் மீட்பு குழுக்கள் தயார் நிலையில் உள்ளது. மருத்துவ குழுக்கள், மரம் அறுக்கும் இயந்திரங்கள், படகுகள், நீச்சல் வீரர்கள், பாம்பு பிடிப்போர் தயார் நிலையில் உள்ளது என்றும் அமைச்சர் உதயகுமார் தெரிவித்துள்ளார்.
