இந்தியாவில் கொரோனா வைரஸால் கடந்த 24 நேரத்தில் 800-க்கும் மேற்பட்டோர் உயிரிழப்பு.
முதலில் சீனாவில் பரவிய கொரோனா வைரஸ், தொடர்ந்து பல நாடுகளில் தனது ஆதிக்கத்தை செலுத்தி வருகிறது. இந்த வைரஸ் பாதிப்பால் பாதிக்கப்படுவோர் மற்றும் உயிரிழப்போரின் எண்ணிக்கை நாளுக்கு நாள் அதிகரித்து வருகிற நிலையில், இதனை கட்டுப்படுத்த பல நடவடிக்கைகள் மேற்கொள்ளப்பட்டு வருகிறது.
அந்த வகையில், இந்த வைரசை அழிப்பதற்கு மருந்து கண்டுபிடிக்கும் பணியில் உலக நாடுகள் தீவிரமாக களமிறங்கியுள்ளது. இந்நிலையில், உலகளவில் இந்த கொரோனா வைரஸால், 18,701,672 பேர் பாதிக்கப்பட்டுள்ள நிலையில், 704,365 பேர் உயிரிழந்துள்ளனர்.
உலக அளவில், இந்த வைரஸ் பாதிப்பில் அமெரிக்கா, பிரேசில் மற்றும் இந்தியா ஆகிய நாடுகள் முதல் மூன்று இடத்தில் உள்ளது. இந்நிலையில், இந்தியாவில் இதுவரை இந்த கொரோனா வைரஸால், 1,906,613 பேர் பாதிக்கப்பட்டுள்ள நிலையில், 39,820 பேர் உயிரிழந்துள்ளனர்.
கடந்த 24 மணி நேரத்தில், 51,282 பேர் இந்த வைரஸால் பாதிக்கப்பட்டுள்ள நிலையில், 849 பேர் உயிரிழந்துள்ளனர்.
