33.3 C
Chennai
Sunday, May 16, 2021

அடுத்த வருடம் பதவி விலகுகிறாரா ரஷ்ய அதிபர்.?

ரஷ்யா அதிபரான விளாடிமிர் புதின் உடல்நிலை பாதிக்கப்பட்டுள்ளதால் அதிபர் பதவியிலிருந்து அடுத்தாண்டு விலக உள்ளதாக தகவல்கள் வெளியாகியுள்ளன.

ரஷ்யா அதிபரான விளாடிமிர் புதின் 2036 வரை பதவி வகிப்பதற்காக மக்களிடம் கடந்த ஜுலை மாதம் வாக்கெடுப்பு நடத்தப்பட்டது. அதில் 77.93% மக்கள் புதின் அதிபராக தொடருவதற்கான விருப்பத்தை தெரிவித்ததை அடுத்து 2036-ஆம் ஆண்டு வரை புதின் ரஷ்யா அதிபராக தொடர்வார் என்று அறிவிக்கப்பட்டது.

இந்த நிலையில் தற்போது 68 வயதான புதின் உடல்நிலை பாதிக்கப்பட்டுள்ளதாகவும், அதாவது பார்க்கின்சன் (மூளையின் ஒரு பகுதி சிதைவு) என்ற நோயால் பாதிக்கப்பட்டதாக கூறப்படுகிறது. இதனால் கடந்த சில தினங்களாக அவரது கை மற்றும் கால்களில் வலியை உணருவதாகவும் சர்வதேச ஊடகங்கள் மூலம் தகவல்கள் வெளியாகியுள்ளன.

இதனால் புதின் மகள்களான மரியா மற்றும் கத்ரினா டிகோனோவா ஆகியோர் தந்தையின் உடல்நிலையை கருத்தில் கொண்டு அவரை அதிபர் பதவியிலிருந்து விலக வற்புறுத்தி வருவதாக தகவல்கள் வெளியாகியுள்ளன. இதனால் அவர் அடுத்தாண்டு அதிபர் பதவியிலிருந்து விலக கூடும் என்று கூறப்படுகிறது.

Latest news

Related news