இலங்கைக்கு எதிரான டி-20 தொடரை வெஸ்ட் இண்டீஸ் அணி, 2 – 1 என்ற கணக்கில் கைப்பற்றியது.
இலங்கைக்கு சுற்றுப்பயணம் மேற்கொண்டுள்ள வெஸ்ட் இண்டீஸ் அணி, 3 டி-20, 3 ஒருநாள் மற்றும் 3 டெஸ்ட் போட்டிகளில் விளையாடி வருகிறது. இதில் மூன்றாம் டி-20 போட்டி, இலங்கையில் உள்ள குலிட்ஜ் மைதானத்தில் நடைபெற்றது. இதில் டாஸ் வென்ற இலங்கை அணி, பேட்டிங்கை தேர்வு செய்துள்ளது.
அதன்படி தொடக்க ஆட்டக்காரர்களாக குணதிலகா – நிசாங்கா களமிறங்கினார்கள். தொடக்கத்தில் சற்று சொதப்பிய இலங்கை அணி, வெஸ்ட் இண்டீஸ் அணியின் பந்துவீச்சை தாங்காமல் 20 ஓவர் முடிவில் 4 விக்கெட்களை இழந்து 131 ரன்கள் மட்டுமே அடித்தது. இதில் அதிகபட்சமாக சந்திமால் 54 ரன்களும், பண்டாரா 44 ரன்கள் அடித்தனர்.
132 ரன்கள் அடித்தால் வெற்றி என்ற இலக்குடன் வெஸ்ட் இண்டீஸ் அணியின் தொடக்க ஆட்டக்காரர்களாக சிம்மன்ஸ் – ஏவின் லீவிஸ் களமிறங்கினார்கள். தொடக்கம் முதலே சொதப்பிய வெஸ்ட் இண்டீஸ் அணி நிதானமாக ஆடி வந்து, 19 ஆம் ஓவரில் 7 விக்கெட் இழப்பிற்கு 134 ரன்கள் அடித்து டி-20 தொடரில் வெற்றிபெற்றது. இதன்மூலம் டி-20 தொடரை வெஸ்ட் இண்டீஸ் அணி, 2 – 1 என்ற கணக்கில் வெஸ்ட் இண்டீஸ் அணி கைப்பற்றியது.
